وبقالى عمر با عدى العمر ف رحابِك على حسابك يقع مطر الكلام وانا مش من بقيت حزنِك أنا فرحة عينيكى المشتاقين للناس أنا ريحة هتاف الفرحانين بيكى أنا من صحابك يا سارقانى من دمى وم الإحساس بشرايينى يا دنيتى ودينى يا غربتى ورجوعى ياسر شدة قامتى قصاد الفقر و رفضى لخضوعى المؤجل من سنين سايق عليكى كرامات الأوليا والملحدين ماتحبسنيش فى صوت ما هوش صوتى ولاتندهيش عليا وانا جواكى عشان ما أموتش بحسرتى على نفسى أو ع الأقل أ شد رحالى ف سكوتى واتوه فى غابة الأحاسيس.