كانت ساعات قليلة تحاكينا وتعارفنا تحاورنا وتساءلنا وتصارحنا أصحى من نومى تجرى روحى عليكى ألقاكى تقولى والّلة مستنية مرّينا بكل فصول السنة مخلينا حر صيف ولا برد شتا وياما سقطت أوراق وياما سقط علينا المطر وزعلنا واتفارقنا وياما إتصالحنا ولا حسيت لحظة بفرق السنين يمكن تكون غلطتى إرحمى عذابى وارحمى ضعفى وسنين عُمرى إلى فاتت دا إلى حسيتُة معاكى عُمرى ماحسيتُة فى أيامى إلى راحت ولا حتى فى أحلامى ولية مش عايزة تصدقى محسيتيش لحظة بشوقى ولهفتى وقلبى إلى إتخطف منى وإحساسى ورعشتى وياما طمنتك وقولت زمانك غير زمانى هوة كتير علية أقول إلى بية وابوح بلى جرى لية فين قلبك وإحساسك لمست فيهُم حنانك ورقة مشاعرك وفجأة ألاقى نفسى لعبة بين إيديكى زى مُرجيحة هوا زعلان من نفسى وزعلان عليكى لأنك أغلى من كدة نسيتى يوم بكيت بين إيديكى يوم إتخلطت دموعى بدموع عنيكى والألم كان واحد والجرح واحد ياما إترجيتك ولسة بترجاكى وعارف زمانك غير زمانى لكن دة قدرى ونصيبى وإوعى تخافى منى أفديكى بروحى وعيونى كُل إلى طالبُة منك خليكى قريبة منى واللة ماعرف أية جريمتى كُل الحكاية نفسى أرضيكى ولا تروحى يوم بعيد عنى بأراضيكى [email protected]