هريدي والمدنية طوفان أسمه المدنيه بصخبها المفزع والقاسي واتكرمش وش القرية صبحت بالوش العاصي طوفان أسمه المدنية وجدار الموروث يتقلقز واتغير عنوان القرية دخلت كردون المركز الكل بيرمح في "بنود " الكل مش لاحق يركز .. وكان الدنيا بتتشقلب قلقان . متوتر.متكهرب ... بتشد في جدورك شد مش قادر من جلدك تهرب بقولك ياهريدي هتهج لفين ....؟ حتشرق ولا حتغرب أصلك راجع للطين ياهريدي فكر زين "أبنود " تتبلبط " بالدولسي " وتبلع بقزايز البيبسي والاسفلت بيرمح رمح طعم الكاتشب والله ياشيبسي "أبنود " تتمرد باللانشون تتقلب في الجبنة الرومي وتقلب في الشاي اللبتون وتحذر لاتقلقوا نومي أبنود سهرانه لوش الفجر .. وتستنى للفجر التاني بتروح في القطر المجري وترجع في الأسباني .... الطلياني الياباني فلست ياهريدي وهلست طب أعض لساني هريدي اتعلم في الجامعة اتعلم في القسم الغربي القسم اللي لسانه بيتقل ويتأفف من كلمة عربي والبطن الخاوية بتهلوس برغيف العيش والجرح اللي حازز فيا أنه مبيسمعنيش ليه تصرخ ياهريدي وتقولي متفكرنيش ليه عايز تنسى ياهريدي وتعيش سكران دلوقتي بتفسر كوابيسك انك شبعان كوابيسك ذنب ياهريدي انت الخسران معدتشي الأم بتدعيلك معدتشي تقولك خيياتك وانت مسألتش .. طنشت فلست ياهريدي وهلست كان لازم يعني تتمرد ياهريدي وكمان تقلع خلاقاتك معدتشي الأم بتدعيلك معدتشي تقولك خيياتك كان لازم يعني تتجاوز كل الحد كان لازم تتطوح من جزر لمد ... كان لازم تدخل في الممنوع وتقلب قنوات الدش وتتصفح على النت ... كان لازم يعني تدخل على الشات وتكلم في البت ... عصيانك ده مش براني .. قلبك الصافي والحاني القسوة جاته من فين ... طب أعض لساني أنا عارف انك ياهريدي مش راجع تاني ... ماخلاص .... عديت من يوم ماخبرت تهد البيت وبانيته بأسمنت ورمل وقسمت الطين وعزلت وخبرت تبعتر لم الشمل انت اتجنيت ياهريدي .... انت اتجنيت