حد فكر قبل كده ازاي العراق بعد ماكانت قوة كبيرة جدا اقتصاديا و سياسيا في العالم العربي تم تدميرها بخطة طويلة المدي تزيد عن العشرون عاما وتحويلها الي افراد متنازعه يحكمهم دكتاتور ويحيط به العديد من الخونه ... كل ده كونداليز رايس اسمته بسياسة بالفوضي الخلاقه لبناء شرق اوسط جديد وتحقيق الاهداف الامريكيه " تقصد اسرائيليه ". نفس السياسه دي تم استخدامها في بعض دول العالم العربي زي السودان مثلا اللي تم تقسيمها واحنا مغيبين وبنتفرج حتي فلسطين اللي مش ناقصه هم اكتر نفس السياسه دي بدأت باغتيال الشيخ يس وياسر عرفات اللي كانو موحدين صفوف المقاومه دلوقتي بقي في بينهم فوضي خلاقه وبقو بيضربو في بعض. تونس اتمني انهم يعدو منها علي خير و البلد تستقر بعد فشل الحكم الاسلامى فى العالم العربى.. ليبيا بقي لما لاقو القذافي دكتاتور مجنوون اطلقو ليه العنان لحد مانهب منها كتير اوي و ثار عليه الشعب وجابو مجلس انتقالي و يااارب بردو يعدو منها علي خير مع العلم ان ليبيا يحكمها قبائل. مصر بقي وطول عمرها ومن بعد انتهاء عصر الخلافه و الدوله العثمانيه وهي لازم تكون تحت سيطرة قوه كبيرة من فرنسيين و طردناهم و انجليز و بردو طردناهم وبعد ما اليهود بدأ يظهر ليهم قوه في قلب حكومة بلفور اللي عملهم الوعد وظهرت امريكا كقوه عظمي ساعدتها علي تنفيذ الوعد و الحفاظ عليه للابد وبدا اليهود بانشاء وطن ليهم بعد مافضلو تايهين في الارض وظهرت غريزتهم ومعتقادتهم لانشاء وطن من الفراط للنيل جالهم جمال عبدالناصر و لاقوه عاوز يوحد العرب!! ضربو مصر وحاولو ياخدو حته وقت العدوان الثلاثي علشان يهدوه لاقو مصر واقفه قدامهم زي الاسد قالو نجهز اكتر وضربوه بمساعدة امريكا .. لاقوه بدأ يجهز علشان يحرر مصر!! وبمنتهي البساطه اغتالوه ..... جالهم انور السادات و ضحك عليهم و فهمهم ان مصر مش هاتقوم تاني و فجأه ضربهم وراح وسطهم و زلهم!! وبردو اغتالوه..وحصلت تغيرات سياسيه في العالم وبقي استخدام القوه بحدود بدأ اليهود يفكرو ازاي يحتلو مصر مؤقتا اقتصاديا و سياسيا واضعافها داخليا لحد ما يكونو قوه كبيره جدا ونضربهم جالهم مبارك لاقوه جميل ووديع وطماااااع قالوله العب يا مبارك بس خليك تحت عينينا و وقت مانحتاجك او نحتاج بلدك تجيلنا وانت باصص في الارض احسن نقطع عنك المعونه اللي بتدخل جيبك يا حبيبي.. اصله كان بيسمع الكلام و ناشر الفساد في كل موظفين الدوله من الصغير للكبير ولما ولاده كبرو قالهم يلا ياولاد انهبو انتو شويه بقي وانا هارتاح علشان تعبت وجهز نفسك يا جيمي علشان تاخد مكاني و حكم ال مبارك مصر 30 سنه بالفساد و النهب و امن دوله يطهر مصر من اي حد يعارضهم واضعف مصر جداا لدرجة ان احد جنرلات اليهود قال احنا اخترقنا مصر لابعد الحدود وبقت دوله هشه بالتالي وصلنا لمرحلة اننا خلاص مش طايقين مبارك وقامت ثورتنا ضده وضد حكومته. ماكدبش عليكم انا فرحت لما ثورة 25 يناير قامت قررت انزل التحرير و افهم في ايه بيحصل واكتشفت قد ايه انا اتضحك عليا وقلت انا وغيرى مصر هتتحتفل قريب بالعرس السياسى انتخابات رئاسية يا سلام وطبعا جنا العم مرسى رجل انما اية مخدش فى ايد امريكا ساعة وطبعا رجل كريم كان عايز يدى سيناء لحماس وحلب للسودان ومصر للاخوان يا سلام والله رجل كريم بيسمع كلام ماما امريكا فى لحظة والحمد لله انتها الاحتلال الاخوانى للابد بس نفسى اسأل سؤال الشعب المصرى البسيط هيفضل حقل تجارب لحد امتى دة حتى حرام لو فكرنا في كلمة الجنرال اليهودي هانلاقيه راجل حقاني علشان فعلا المجتمع المصري مخترق لابعد الحدود عن طريق الاقمار الصناعيه و الانترنت والفيسبوك اللي انا شخصيا بعتبرة افضل جاسوس علي مر التاريخ بعد جمعه الشوان الله يرحمه... جمعه الشوان كان عميل مزدوج لكن الفيسبوك عميل متعدد الجهات يخترق قلب مجتمعات العالم كشبكه اجتماعيه اختراع مارك زوكربيج وملك لأمريكا تخيلو كم المعلومات اللي ممكن تجمعها من الفيسبوك و توجيه الراي العام بضغطه ماوس .. انا واحد من الناس اللي استخدمته في توجيه الري العام وقت ماكنت مخدوع في ان مصر يمكن تتحسن على ايد الاخوان اصلهم هدية الامريكان للشعب الغلبان طيب وطبعا مانقدرش ننسي جهود قناة الجزيرة اللي هي ملك قطر المملوكه حمد بن خليف اللي دخل ابوه الحمام و قتله وقفش الكرسي و مخلي قطر والحمد لله خير خلف لخير سلف بن الحمد لله كمل المسيرة وخد مكان ابوة وحول قطر وطن ثان لامريكا!!! عاوزه قواعد امريكيه تلاقي عاوزه بترول تلاقي وطبعا بمساعدة قناة الجزيرة اللي مش بشكك في انها بتنقل الحقيقه علي اكمل وجه مع بعض التحابيش لزوم الطبخه لغرض في نفس يعقوب وعلشان الاخوان يفرحوا بردوة. كده مصر والحمدلله بقت بين المطرقه و السندان فالمطرقه تتمثل في الخيانه الداخليه و الفساد واستمرار سيطرة التيار الاسلامى علي روح الدولة و فساد ال مبارك وال مرسى وطبعا اصلى الكرسى عبارة عن نومه في العسل وثورة الشعب الطبيعيه ضد الوضع ده والسندان يتمثل في الخطر الخارجي المتمثل في العدو الأزلي. وهي دي الفرصه العظيمه االي مستنيها اليهود لتطبيق و دعم سياسة الفوضي الخلاقه.