مش بس لباقة فى الكلام ولا حتى مجاملة واى كلام والسلام الاحترام عزة وكرامة نبل وشهامة مش كل من قال انا محترم يلقى احترام لو عالكلام .... الكل بيبيعه بقروش وميعرفوش معنا ولا يفهموش بس الكلام بميزان هى دى اكبر علامة للاحترام لو عالكلام ... والعزة بتبان فى السكوت او حتى همسة بالف صوت تصرخ تقول انا مش ذليل انا اصلى متربى واصلى تمام والعزة نادرة بين البشر واهو كله ماشى والسلام والنبل راح ومباقش يبان الا فكلام زى الافلام مكتوب بحرفة وبانتظام بيحرك القلب الحنون وبيجعله يرفض ينام النبل مات فينا من زمان من ساعة الاخلاق مانامت وكله فكر فى المال الحرام مات الاحترام معلش لو طول كلامى مهو اصله موزون بالتمام نظمته وحسبته بحساب مش بالقلم ولا بالعلام من جدى الله يرحمه ويلا بقا حسن الختام ....