السلام عليكو , مع احترامي لكل الرجال أصدقاء فضفضة وكل الشباب , عندي كلمتين واقفين في زوري وكاتمين على قلبي في حق السادة الرجال , هوة ليه زمان كان الراجل كلمته واحدة وعهده عقد وسيف على رقبته وافكاره دايما واضحة وموزونة وليها قيمة , ليه الراجل زمان كان هيبة واحترام وصاحب قراره , ليه كان حنون على مراته وعياله وملوش غيرهم وبار بأهله وليييييه دلوقتي العكس تماما .. ليه مش بيحب يشيل مسئولية ولا حتى عنده اهتمامات ولا له كلمة وكذاب ومنافق وابن لذينة وعايز الحرق بجاز ؟ لييييه يا بشر ؟ هوة كل ده من تأثير الزبدة والسمنة البلدي اللي بقت زيت درة وسمنة نباتي ؟ هوة كل ده تأثير الرباية الغلط من أمهات اتجوزت صغيرة ومش فاهمة الألف من كوز الدرة ؟ هوة كل ده ممكن يكون مثلا التلوث والضغوط ولقمة العيش اللي بالعافية ؟ معقوله ده ؟!! ممكن يكون التفاهة والنت والأفلام الإباحية ورخص البني آدمين والنفوس والحرام اللي دخل بيوتنا من أوسع أبوابه ؟ تفتكروا يكون إحتلال فكري من اعدائنا البُعدا ؟ احنا في مصيبة كبيرة ده حتى الثورة يا عيني اللي شاركت في ظهور شوية أخلاق في الاول سوء أخلاق الناس جبيتنا لورا مرة تانية .. معلش يا جماعة .. كلمتين كانوا هيموتوني وقلتهم .. سامحوني اذا في كلامي تجاوز ده من قلة الرجالة انا مش عارفة اجوز بنتي مش شايفة في اي شاب حاجة تطمن قلبي عليها .. يا حسرتي على أجيال الشباب والرجال اللي بتموت أو ماتت فعلا .