ياعيد فين أيامك فين لياليك وفين ليلة العيد دى كانت ليلة الكُل بيضحك مبسوط مستنى ساعة فجرية وعصافير تزقزق تشقشق صُبحية والمسجد الكبير بيكبر تكابير واللّةُ أكبر اللّةُ أكبر وللةِ الحمد والكبدة بتتشوح وريحة القرفة فايحة ولمة عيد ماخلت حد بعيد والكُل بيصبح والألوان زاهية والقلب أبيض ونضيف وعيد بيغسل هم وغم ويجمع الأحباب حتى إلى بينُة وبين أبوك مطارق الحداد جاى بيضحك ويقول أنا من الأحباب وبالأحضان بالأحضان يا أحلى يوم عيد يوم تحلى فية المواعيد ونلف وندور عالبلد نلقى الكُل فى إنتِظارنا من غير مواعيد فاتحين لنا أحضانهُم بالحُب ماتقدر تفرق بين غريب وقريب والمآذن وأجراس الكنيسة والكُل بيوحد رب العالمين وفى المدحاية مراجيح مراجيح طبل ومزامير حتى الطراطير فينك ياعيد فين أيامك فين لياليك [email protected]