مرايتى حلوة وجميلة فيها بأشوف نفسى ألقى حلاوة الشباب مع انى شعرى شاب لكن يزين كسمى ألاقى فيها الأمل بيطل جواها وفرحة فى عيون شقية تنطق ياناس إسمى ... مرايتى فيها صور لأعز خلانى وفيها حبّة غناوى وفيها ألحانى وفيها عصفور جميل بيبص ويزقزق ويقوللى فاكر زمان صوتك ياما شجانى وأنا لسّه بأحلم تعود لى ونغنى من تانى ... مرايتى حلوة ياناس بألقى الونس فيها تحكيلى ع اللى مضى تغرينى وأغريها فيها الحنان والرضا وفيها مافيها ليلاتى أسهر قصادها لأجل أشوف خللى وأقعد أناجيه بروحى ألقى عيونه بيها ... مرايتى حلوة وياما بأحكيلها ع اللى غاب أحكيلها ع اللى جرى من قسوة الأحباب ودمعى مابين جفونى على الخدود ينساب ترد وتقول مرايتى ماهى دنيا دوارة والنحلة تقرصنا لكن تعطينا أحلى شراب ... مرايتى دايما تقوللى أصبر على المكتوب وانسى خصام الأحبة وعدم نول المطلوب دا الحب عطف ومودة واحساس يهز قلوب وكاس من الشهد صافى فيه الأحبة تدوب حتى فى عذابه وقساوته ومرارة الأحزان تلقى حلاوته بقلبك رغم طول الحرمان دا الحب نار فى القلوب إوعى تطفّّيها يمكن تطول الحبيب وعن دلاله يتوب