واخداني حكاوي الموت وواخدني معاها مرور الوقت .. جربت يكونلك ضحكه اخيرة تكون ع القد ... ضحكه من كتر السكوت.. بقت وياها سيره الموت مش فارقه بجد.. لأ و كمان بتتحداه ..هتيجي ف لحظه تعيش حياه لحظه ما تفارق قلبي و تخرج .. حالا دلوقت .. جربت اشوف يوم موتي و انا لسه فيا نفس .. و اعيش متكفن جوة قلب فيه النفس ياما اتحبس .. جربت تكون كوابيسي بالظبط زيي زيها .. جربت حياتي تكون وسطها لون اسود علي روحي اتلبس .. لكن متخافش .. و انا مش خايف لاني اتاكدت و بقيت عارف .. لما اموت هسيب ورايا ضحكتي .. تعيش مع غيري ف رحلتي لطريق جنتي .. يمكن غيري ميحبطهاش .. و للدنيا ميسلمش يمكن يتحمل رزاله ضحكه اتدارت م الزمن .. ضحكه من كتر الالم الموت معاها ميفرقش .. انا غير كل الناس و هي برضو غيرهم .. كل من يورثني ف ضحكتي هتغيرهم.. يمكن الموت يتعمي عنهم .. يمكن الموت ميشوفهمش ...