جوه بلدي إنسان و صوت يسمع مطالبي و يجاوبني على أي سؤال نفسي لما أسافر تحترمني المواصلات لا أتأخر على ميعادي ولا سواق يكسر إشارات نفسي لما أتعب ألقى الف إيد ممدوده ليا لا طبيب يكشر في وشي ولا ممرضه تأسى عليا و إن كان معايا ولا مش معايا القى مليون مستشفى عندها ضمير و انسانيه نفسي أحلم و أنا صاحي و في الليل حلمي ميتقلبش كوابيس لا أخاف من لص غاوي ياكل الحرام ولا عيون في الضلمة متربصالي عايزه تسرق مني الأحلام ولا ظابط بعته سيادته لأني قلت رأيي بصراحه نفسي أنام و أنا مرتاح من غير ما اسمع أخبار تزعجني ولا أشوف دمعه على خد أم بتبكي على حق شهيدها اللي راح نفسي ألقى نفسي في حضن بلدي إنسان يحترمني الناس لأني مصري و بلدي ترجع زي زمان منارة لكل العالم أعدائها قدامها أقزام ** منى شوقى غنيم **