معلش النوبادى عشان خاطرى روح صوّت وروح إختار وخد بالك من الشياطين ومن غشاش ومن شطار من اللى عاملها سبوبة كأنها شروة للتجار ... عشان خاطرى وخاطر بلدى ومستقبلنا أنا وولدى لازم ياإبنى وبالبلدى تروح تختار وتدى الصوت لكل شريف عشان يطلع لليلنا نهار وترجع بسمتى ليّه وتحلى الدنيا فى عنيه ويتحقق أمل ثوار ... عشان خاطرى ياإبن النيل يا كل شريف وكل نبيل تاخد بالك من الأشرار وكل خسيس ما عنده ضمير عاوز فتنة تشعلل نار ... دى فرصة وجتنا يا إبنى هات إيدك سوا نبنى وشد الهمة وساعدنى نعيد المجد من تانى وندعى للّى نجانى يصون بلدى ويرعانى ويحفظ مصر م الفجار