عبدالعزيز محمد المنسوب يا اسكندريه يا بنت البحر الطقس عمّال بيغازلك رِمْشِ المطر قام وغمزلك غرّق طريقك ومنازلك عربيه غارقانه في مترين وحرمه لايسه في شوارعك والبيه على الكرسي يخدّر يا خلق مش عارف أفكّر كارثه وهتعدي في ثانيه ونشوف حلولها تتسكّر هيّ المدينة دي راحت فين تايهه ومش لاقيه اسكندر يا مسيري أصلك مش عايش بين الغلابة ومش شايف طبعا معاك الدبلومتين والناس بتغرق في الهايف الماس صعقهم في دقيقتين وانت بتضغط في شفايف ارحل ياعم كفايه هموم دا الناس بتغرق على اللايف