سهل انك تكون عضو مجلس شعب والاصعب انك تكون واحد من الشعب بالفلوس تقدر تشترى ما تحب وبالفلوس وحدها مستحيل تتحب النايب ينوب ينطلب يلاقوه مش هما يومين يدوب ويتوه كام يفطه وكام من خطب تتقال ويا ليل ع الكلام الحلو اللى عسلوه م السنه للسنه بيبان علينا يهل واقف ع البيبان زى القمر بيطل البسمه حلوه والايدين بالسلام تتمد وبعد ما ينول الحصانه مننا بيزوغ ويًمل نايم وسايب حقوقنا تتسرق وتضيع يقطًع فينا حتت وبالرخيص بيبيع ناسى الأمانه وفاكرها سهله عليه ويوم القيامه شكله هيبقى فظيع يا حضرة النايم صحصح دماغ ولسان وبلاش تسقف ع الفاضى وع المليان خلى الكلام شجاع من غير لا زيف أو غش وافتكر حالنا الوقتى ايه وحالنا زمان