باموت ف اليوم أنا مليون ومش عارف هاتطلع روحى كام مره لحد ما روح عالم تانى عالم فيه عدل ربانى مفوش حشاش ولا نتاش ولاواكل حقوق الناس ولا موالس مع النخاس يبيع شعبه وعرض الناس للأنجاس بموت ف اليوم أنا مليون ومش خايف أنا انى أموت ولاكنى أخاف انى أموت مكبوت دامع انى ف كل يوم حجات منى تودعنى ف أول يوم.. كانت بسمه ومرسومه على سنى شافت عمرى يضيع منى ف بحرالخوف قالتلى الخوف هايقتلنى تاهت منى ضاعت منى ف دوامه وف التانى... ضاعت أحلامى وهنايا وف التالت... لحد الدم سراقونى بنار الذل حرقونى قالولى عيش وعندك أكل فول وحشيش باموت ف اليوم أنا مليون وأنا واقف على الطوابير وبتزنق ف بنقدمين وضايع حقهم زيى وأبص لمين دى ناس عايشين قيلال وقصور ونور عالسور وكلب لولو عايش شبعان ومطمن وطفل ينام جنب السور وبطنه جعان بيتألم باموت ف اليوم أنا مليون ومش عارف أمتى هاعيش للشاعره زهراء الطوخى من ديوان نص القمر