حبيت قبل كدة...ممكن تكون حبيت وممكن تكون محبيتشى وممكن تكون كمان حبيت كتير وفيه ناس مبتحبش الحب نفسه..قالت لى صديقة انا مبحبش الحب...قلت لها ازاى...فقالت لى بكل بساطة:ازاى الواحد او الواحدة فينا تحب وبعدين العلاقة تفشل ف..تحب تانى وتبوظ العلاقة..وهكذا...قلت لها عندك حق..كلامك مقنع..بس الحب شعور جميل ..فيه ناس زى ما بيقول المثل بتحب على روحها.. وهية ماشية بتحب... وهبة قاعدة..شاف واحدة جميلة حبها على طول وراح شاف غيرها فنساها..والحياة ماشية مفيش مشاكل..بس اصدق البنات اللى حبت هية اللى صارحت المتيمين بيهم قبل ما تحصل حاجة..واحد صاحبى حب واحدة ايام الجامعة وكانت بتجيب له الورق وكدة والملازم المهمة ونجح بسببها قام اتعلق بيها..السنة اللى بعديها قالت له انا مرتبطة يعنى كانها بتقولله بخ على كدة! جه حكى لى الواقعة دى قلت له البنت دى انسانة وبتحبك لانها كان ممكن تلاوعك وتلعب بيك بس عشان صارحتك لاحظت تعلقك بيها ف..مش ممكن تسيبك كدة ..قدامها حل من اتنين ياما تصارحك بحبها يا اما تلعب بيك..وهية عملت الصح صارحتك سواء بالحب او عدمه. تعرف يا صديقى انجح قصص الحب هى التى تشجع صاحبها على النجاع والعمل والتفوق والتالق اما قصة الحب التى لا تساعد صاحبها فهى عاملة زى دخان الحشيش كدة او البانجو تضر بصاحبها ولا تنفعه اطلاقا اختار ان تحب يا صديقى بس حب ينفعك ويدفعك للامام واياك من الاوهام الزائفة!