فى الوقت اللى كان المفروض فيه إن الإعلامية الأمريكية أوبرا وينفري تكون فى مطار القاهرة إمبارح .. قررت فجأة وبدون أسباب تسافر لشيكاغو الزيارة دي كانت تحت رعاية حملة ينابيع الحياة، وخلال الأسابيع اللي فاتت تم عمل مهرجان كبير وضجة إعلامية .. ولكن فجأة اعتذرت، أو بمعني أصح ضربت المعاد، وهربت لشيكاغو .. وطبعاً كانت النتيجة هي خراب بيوت للجهة المنظمة للزيارة وسمعة سيئة بين الناس باعتبارهم مش أهل ثقة .. ويقول فادي داغر -الناطق الرسمي باسم حملة ينابيع الحياة-: كل شئ كان تمام،واتفقت مع أوبرا على الزيارة، وكان الميعاد النهاردة (14 يونيو)، وكان المفروض أسافر من يومين لأمريكا لعمل مؤتمر صحفي ، وكانت معايا شخصيات كتيرة، وقبل السفر بساعات اتصلت بمكتبها وفوجئت بيهم بيقولوا لي إنها مش موجودة ، وسافرت شيكاغو وصعب تيجي مصر في التوقيت ده، ودى كانت صدمة كبيرة بالنسبة لي، لإني صرفت فلوس كتيرة جداً من جيبي علشان تيجي مصر، لدرجة إني فلست، وعملنا لها دعايا كبيرة، ولكن "ضربت الميعاد " فجأة، وبنحاول نظبط معاد تاني علشان شكلنا قدام الناس، وعملت اتصالات بمكتبها، والمفروض أسافر قبل رمضان علشان أقابلها وأحاول أحدد معاها ميعاد تاني، وهيكون معايا مني زكي وأحمد السقا وخالد أبو النجا.