زى ما البيت بيتعرف من حمامه والشارع من عنوانه والكرسى من مسماره والراجل لامؤخذة من جذمته البنت بتتعرف من شنطتها وهناك عوامل جذب يجب توافرها فى الحقيبة لتتحرك القوة الشرائية لدى الفرد فيضحى ويشتريها ومن هذه العوامل الشكل واللون يعنى ستايل الشنطة مهم عشان يلفت انتباه البنت. زمان كانت الشنط معروف أنها نوعان كلاسيك أو كاجوال لكن دلوقتى كل الشنطة ما اتسمت بالغرابة والافتكاسة دفعت الزبون إلى اقتنائها، يعنى تخيلى نفسك ماسكة شنطة على شكل مسدس أو على شكل باب عربية وخايفة عليها تتخدش أو شنطة على شكل راجل بينتحر، وتفضلى تحسى بالذنب طول الطريق .. ويا سلام بقى لو كانت الشنطة تفتح النفس. فهناك محلات تفوقت وتميزت فى ابتكار أشكال غريبة من الشنط، يعنى تدخل تشترى طعام البائع يحطه فى شنطة على شكل رقبة وزة لزوم فتح النفس يعنى, أو تشترى معجون أسنان من صيدلية تلاقى أمامك شنطة لسفاح دماء اللهم ما احفظنا. الموضوع عندنا فى مصر لسه فى أوله، ياترى ممكن يكبر وفى يوم ليلة نلاقى البلد كلها شايلة شنط على شكل أبو الليف .. تعالوا نتفرج على الافتكاسات دى ..