بنات كثير بتكون زهقانة من تسريحة شعرها .. بتكون عاوزة تغير او تجدد لكن بتحتار ايه ممكن يكون مناسب ليها و ايه ممكن يخليها أحلى و على الموضة " محمد الأمير –مصفف شعر " هيقولك بالظبط ازاي تختاري تسشريحة او قصة شعرك من خلال النقط التالية اولا : على البنت انها تاخد في الأعتبار طول شعرها .. يعني هيا عاوزاه طول ايه عاوزاه قصير و لا طويل فتلجأ في الحالة دي لأستخدام " الأكستنشن " و لا هي تملك من الجرأة اللي يخليها تقص شعرها " اللا جارسون " اللي طالع موضة جدا اليومين دول و بعد ما تحددي رغبتك في طول شعرك اوعي تقصي بنفسك و لا سنتيمتر واحد من الأفضل انك تستعيني بمصفف شعر محترف .. ثانيا : طبيعة شعرك طبعا هتأثر على قصته او تسريحته و شوفي انتي بتحبية ايه " كيرلي " .. ثالثا : شوفي انتى هتغيري التسريحة في اي موسم فتسريحات الصيف غالبا بتكون جريئة و كمان الوان الصبغات في الصيف بتميل للألوان المبهجة على عكس الشتاء اللي بتنزل فيه .. رابعا : المناسبة امر مهم جدا و انتى بتختاري القصة و التسريحة ماتنسيش ان لكل مناسبة و كل مكان تسريحة مناسبة ليه بمعنى ان التسريحة المناسبة للعمل تختلف عن التسريحة المناسبة للسهرات او الخروجات صباحا خامسا : تابعي قصات و تسريحات و ألوان شعر النجمات اللي بتحبيهم و دي حاجة هتسهل عليكي جدا اختيار التسريحة المناسبة ليكي .