في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية.. جمال عيد: حديث البرادعي الواضح عن رفض دخول الجيش في الاقتصاد الا فيما يخصه ، يضعه بوضوح امام اطماع العسكر !! لكنه كلام كان لابد يتقال بوضوح ! احترمه نوارة نجم: يا انا يا الجنزوري في البلد دي… هو قعد يوم ماغيرش ملابسه انا بقالي 3 ايام ولسه … لن نركع أحمد ماهر: الثوره مش هاتضيع رغم زرع اشكال مخربه وسطنا كل دورهم هو التخريب والمزايده والكذب والتوقيع بين الناس وتكرار الاتهامات زى البهايم وائل خليل: ناس محسوبة عالاخوان قدموا بلاغ ضد الاشتراكيين الثوريين في يناير ال فات وبعدين سحبوه نقوم إحنا انتقاما نجيب نظام مبارك ال كان بيحبسنا فعلا أحمد العسيلي: البهوات المُنتخبين لو يعرفوا يعني إيه دولة؛ كانوا ماعملوش حاجة من ساعة ما انتُخبوا غير الشغل على ملف استقلال القضاء وتطهيره "لو"! أحمد سبايدر: لو فعلا الرئيس السابق مات يبقي دي موته شخص كان واثق من برائته واتفاجا بسجنه وانا لله وان اليه راجعون عمرو أديب: بالمرة والنبي وأنتوا بتدوروا علي اللي قتل المتظاهرين دوروا علي العصافير اللي كانت في الميدان بتبلغ عن الثوار وأماكن تجمعهم وقياداتهم عمرو واكد: من الحقارة ان تعتمد على نشر الفزع والتشويه والتحرش والزينوفوبيا والفساد. ومن العار ان ترى الحقارة وتدعمها. أسماء محفوظ: اللي عايزين يساعدو يروحو للنواب اللي انتخبتوهم في دايرتكم وروحو اسالوهم انتو فين من الناس اللي بتحاول تقوي موقفكم وهتموت من الجوع؟؟ عزيز الشافعي: مرسي ولا شفيق ؟؟ هي دي الاختيارات ؟ حسبي الله ونعم الوكيل باسم كامل: تمسكنا بالأمل، والتحول للإيجابية، وكسر حاجز الخوف. أهم ما تحقق من الثورة حتى الآن. أمور بسيطة لكنها مفتاح النصر. لا تفرطوا فيما حققناه جميلة إسماعيل: الاعمار بيد الله مش بيد حد من اسرته.اذا رفض مريض الاكتئاب العلاج بيتحطله في المحلول.زي ماكان بيتحط علي امل البراءة لشهور طويلة حمزة نمرة: ما نقدمه أفكار نؤمن بها حتى النخاع ونسعى لتحقيقها..ولن تتحقق إلا بزوال نظامكم الفاسد الذي تنتمي إليه يا سيادة الفريق...انتهى خالد دياب: لو بعمل برنامج تليفزيوني عمري ما هعمل حلقات كاملة عن الاخوان واطنش شفيق تماما زي ما بيعمل ابراهيم عيسي . خالد النبوي: انا مشكلتى دلوقتى ان الاعلام بيحول اى سياسى محترم لمجرد نجم يجلب اعلانات ارجو ان ينتبه السياسيون ويشتغلوا على الارض وكفايه ظهور اعلامى ممدوح حمزة: ما يدعيه البعض علي من أني أؤيد اتهامات شفيق ضد الإخوان هو ادعاء باطل لا صحة له على الإطلاق.. تدخلي في تلك القضية هو من باب تصحيح معلومة وليس تأكيد واقعة. بمعني أني عندما سمعت بأن هناك اتهام موجه للدكتور البلتاجي تدخلت لأنفي ذلك. محمد فتحي: طب انا اهه وانتو اهه: بعد موت مبارك هتطلع دعوات ومطالبات بالكشف عن المكان اللي تم تهريبه ليه باتفاق بين المجلس العسكري وأمريكا مصطفي النجار: يارب الهمنا الصبر والجلد واجعلنا نتحمل ما لا نحب من أجل ما نحب يارب يسر لنا الخير حيث كان أيمن الصياد: الذي يعمل على الإساءة لمؤسسة القضاء، هو من وضع أمامهم قضايا "بلا أدلة". وليس من أزعجه غياب القصاص لألف فقدوا أرواحهم. دعاء سلطان: حد يأكد لنا معلومة مليونية اللطم والصويت على مبارك عشان بيقولوا ان الصويت واللطم بيعذب الميت.. شعب غلاوي مووت:) )) عبد المنعم أبو الفتوح: الصوت الإنتخابي مسئولية فردية لكل مواطن وأمانة يُسأل عنها أمام الله تعالى، فلا تُعطوا أصواتكم لمَن أفسد وقتل. عمر طاهر: النهاردة الجاسوس سألنى فين شارع طلعت حرب بس انهار ف ثانية أول ما سألته هم قالوا لك فين ؟ خيرت الشاطر: دعائي بالتوفيق لأبنائي وبناتي طلبة الثانوية العامة الذين بدأوا امتحاناتهم وأوصيهم بالدعاء لمصر (أمن يجيب المضطر إذا دعاه ويكشف السوء) وائل غنيم: بالمناسبة علشان موضوع إني عضو متخفّي في جماعة الإخوان المسلمين ده بيتكرر كتير اليومين دول في الإعلام لأسباب مفهومة .. فلمعلوماتكم .. أنا عمري ما كنت عضو في تنظيم جماعة الإخوان المسلمين .. ولكن في سنة أولى جامعة (وأنا عندي 17 سنة) كنت مُحب للجماعة وباشارك معاهم في أنشطتهم في الجامعة والحي اللي ساكن فيه والموضوع ده استمر لفترة أقل من سنة ونصف وبعديها قررت الانقطاع لأسباب أفضل عدم ذكرها .. ده مش لإنكار "تهمة" لأنها مش تهمة أساسا ولكن لتوضيح حقيقة .. والحقيقة الأخرى أنني مختلف مع الإخوان المسلمين في كثير من أفكارهم ومواقفهم السياسية خاصة بعد الثورة ولكن الاختلاف اللي من النوع اللي لا يُفسد للود قضية واللي أيضا من النوع اللي يقبل البحث عن المُشترك لمصلحة الوطن .. وزي ما قلت قبل كده: ماسوني إخواني سلفي ليبرالي علماني عميل لأمن الدولة .. أنا لو كل الحاجات دي في بعضها، دي تبقى حاجة فخفخينا خالص :)
