شن عدد كبير من أعضاء صفحة الدكتور علاء صادق هجوما شديدا في تعليقاتهم، على صادق، وذلك بعد أن كتب على الصفحة، "الرياضيون الذين أدلوا بأصواتهم علنا لأحمد شفيق كشفوا للجميع عن خلاقياتهم ومبادئهم وأفكارهم وعقولهم". حيث علق كيمو أبو تريكة، وكتب، " كل واحد حر يدي صوته للى هوه عايزه مش معنى انه اداله صوته يبقى مش محترم.. امال ازاى عايزين ديموقراطية ؟"، أما محمود جبر، فكتب "عفوا وأيضا كشفوا عن خيبتهم وبجاحتهم وضيق أفقهم ورهانهم الخاسر وكلها صفات لايمكن أن توجد فى رياضي حقيقي" وكتب أحمد البنا"يا دكتور انت مالك بس كل واحد حر ينتخب اللى هو عايزة براحتة"، وكتب ابن النيل "الجزمه هى أفضل دواء لهم باذن الله"، أما كارولوس سيفين فكتب "الرجاء احترام الرأي الاخر ده اللي تعودناه منك يا دكتور"، وكتب أحمد البنا "فين الديمقراطية هنا لما حضرتك تعلق على انتخاب حد هو اية ده". وكتب هشام يوسف "ما بلاش حجر على رأى حد انا انتخبت صباحى بس كل واحد حر لا انت ولا أى حد وصى على الشعب أو أى طائفة فيه بلاش شطط"، وكتب محمد سامح "ملكش فيه يا دكتور علاء كل واحد ينتخب اللي هو عايزه هي دي الحرية و ملكش أنت أو غيرك أي حق فى السخرية أو التعليق لأنك كدة بتدي الحق لأي حد انو كمان يسخر منك او من مرشحك، يا ريت نلتزم الديمقراطية و حرية الرأي". وكتب الغرباوي هلال "والله يا دكتور علاء انت راجل محترم جدا جدا جدا"، وكتب محمد سمارة "والله يا دكتور كتير منهم مفضوحين من زمان بس احنا عبنا ان احنا بننسي يعني بعد شحاتة و حسام و ابراهيم و خالد الغندور و شلبي و كتير كتير زيهم كانو مع مبارك بكل قوتهم أيام الثوره.. دول ليس عندهم أي مانع أن تغرق مصر و كل من فيها من اجل الحفاظ علي اماكنهم و مرتباتهم.... ليس عندهم القوة و الشجاعة بأن يقعدوا في منازلهم مثلما فعلت أنت من أجل مبادئك شكرا لك و لكل شخص محترم في هذا الوطن". وكتب أشرف فاروق حسن "تعليق غريب منك يا دكتور.. انا انتخبت صباحي وغيري انتخب ابو الفتوح وموسى وشفيق وكل واحد حر في اختياره، ومش معنى ان واحد اختار شفيق انك تهينه وتشكك في أخلاقه، عيب جدا"، أما محمد فتحي، فكتب "علي فكرة انا منتخبتش الفريق احمد شفيق.. بس اكيد يا دكتور اخلاقيات ومباديء الناس اللي انتخبت الفريق شفيق زي اخلاق ومباديء جميع طوائف الشعب المصري اللي اختاروا صباحي او ابوالفتوح او موسي او مرسي او العوا.. برضه هما ناس محترمين وافاضل وبيحبوا مصر". وكتب مصري المصري "ومين قال لك يا دكتور ان إختيارك اجدر من أي حد .. اعطي صوتك لمن تراه صالحا فقط دون تعليق"، أما أمير الرفاعي فكتب "دكتور علاء أنا مش بحب شفيق مع احترامي لحضرتك لا تتجني على رأي الغير ممكن الغير هذا له وجهة نظر أخرى ويجب احترامها نفترض اننا مش مقتنع بأبو الفتوح هل معنى هذا مهاجمتك"، أما أمير الجيل فكتب "ياعم هما ليهم رآى يحترم زى ماسيادتك ليك رآى يحترم حتى لو كان احمد شفيق هما ليهم وجهة نظرهم"، وكتب تامر فتحي "ناس رقاصين وطبالين طول عمرهم"، وكتب خالد عبد الله "نحن شعب يجيد فن صناعة الديكتاتور ... خلاص مبقتش شايف غير مرشحك ؟ مالوا شفيق راجل محترم ولا غبار عليه ... أين الحرية التي تطالبون بها ... أين الديمقراطية التي تتشدقون بها ... أين احترام الاخر ... للأسف ما تفعله يا دكتور علاء أنت ومن يهاجم الفريق أحمد شفيق أسوأ مما كان يحدث من النظام البائد !!!!" وكتبت منى درويش "نفسى أشوف رأيك هيبقى أيه يا دكتور لما شفيق يبقى رئيس"، وكتب آدم حازم "ولكن فين حرية الراى يادكتور"، وكتب ريمون نبيل إتعلم يا دكتور تحترم الرأي الآخر حتي لو كان مش متفق معاك .... كل واحد حر في رأيه"، وكتب نبيل السعيدي "دكتور علاء مع احترامي لشخصك الكريم ولكن لست من قلت ان الأغبياء فقط هم من يغضبون عندما تختلف معهم في الرأي". وكتب حجازي القرشلي "يا د علاء ارجوك لا تكن دكتاتوريا ومن حق الناس ان تختار ونشجع الرئيس الذي سيكسب الاغلبية ايا كان لان الشعب اختاره بانتخابات حرة وعلى الجميع تقبل ذلك بكل روح رياضية بما فيهم انت - لا يحق لك ان تهاجم اي شخص يختار على غير رغبتك وارادتك" وكتبت شذى الورد "يادكتور الإدلاء بالانتخابات لشفيق أو لغيره حرية شخصية أنت تريد وأنا أريد والله يفعل ما يريد وإن شاء الله يولى الاصلح لنا وعلينا".
