بحّار في بحر الغضب والحلم مجدافي.. باحلم بأرض العرب.. وبحضنها الدافي والحلم مش كافي ف زمان مالهش أمان يا مركب الأحزان.. قرصانك السفّاح إزاي ف يوم يرتاح لو تكسري القضبان؟! سجّان وطبعه جبان.. خايف من المساجين.. والغدر ف عروقه.. والحقد شرع ودين لو يدبح الملايين هيقول كمان وكمان والدم ف عيونه كان أجمل الألوان واحنا ف زمان مجنون مالهوش لسان وعيون فيه اللي عاش مسجون هو اللي عاش راجل والدم أمره يهون علي إيد ولاد صهيون يصبح خبر عاجل..!!