ريشة خضر بمناسبة انتهاء عام 2010، ربنا ما يرجعها البعيدة، ولا نشوف خلقتها النحس تانى، واستقبال أختها 2011، ربنا يحنن قلبها علينا، وماتبقاش زى أختها، قررنا فى صباح الخير إقامة حفلة تنكرية مجنونة، عشان نخزى بيها عين 2011، وماتخدش بالها، وجايز تتوه فى السكة، أو تنزنق فى أى إشارة مرور.. وقرر العيال المجانين، أن يتنكروا فى أقنعة شخصيات فنية وتاريخية، أو يعزموا هذه الشخصيات إلى الحفلة، على حسابهم الخاص، عشان تبقى ليلة مفترجة، ويشوفوا الأملة اللى إحنا فيها دلوقتى بسم الله ما شاء الله، وصباح الخير تدعو القراء للمشاركة فى هذه الحفلة التنكرية، دون تذاكر دخول، والعشا كمان علينا، بس كل واحد يشوفله توصيلة تروحه. «صباح الخير»