يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى: [email protected] اللوحات بريشة الفنان أحمد سليم أنا مصرى كتب: مصطفى على مراد عمار متقوليش أنا كاني ولا تقوليش أنا مانى قولى زيك أنا مصرى وحط أيدك ف أيدى الخير هيجيلك يابن بلدى ويجيلى وهات همك ع همى وانسى حزنك وأنا أنسى حزنى وتعالى بينا نتصافح و لو ف خصام نتصالح دى الفرقة يا ابن بلدى أبدا مش ف الصالح إن كنت حزين ومجروح منى انا بردو زيك زعلان من عمايلك ودموعى ع خدى والهم ملا قلبى ما انا إللى جرحتك وبكيتك وانت إللى طردتنى من بيتى وبيتك ايدك يا أخوية سامحنى واسامحك خلى السلام يعيشه أبنى وأبنك ليه م الأمن نحرمهم فى بلد قال الرحمن عليه إن الأمن فيه هو الوطن أيه غير ناس بتخاف عليه وناس تضحى وتسامح وتنسى الأسيه ومتقولش ليه وناس للعدو واقفة فى وشه وسلاحهم بترفعوا بس عليه كمان دايما تلاقيهم روحهم خايفة على بعضيهم وقلوبهم بالسماح بيضة زى الحليب صافية وماسكين أوى ف بعضيهم وكتافهم متكاتفة وشعارهم روحنا لوطنا نفديه زهرة حيتنا اللى عايشين عليه وهو دا اللى بتنتصر دايما إرادتهم بيه ملعون أبوها الفتنة الغبية ومعلونة الأنانية إللى تفرق أعظم ناس ع الكرة الأرضية ف الشهامة والكرم والإنسانية دا الأصل أحمس ومينا والجد اخناتون أول منادين للوحدانية والجدة ستنا هاجر أم العربية والأخت أم المؤمنين الطاهرة مارية وعلى أرضهم نورت كل الديانات السماوية وخطت فيها كتير أنبيا وقالوا محروسة من ربها ومبارك شعبها قالها عليه السلام نبى المسيحية لكن أبدا رباطهم باقي رغم الأعادى فى الدنيا دية ليوم القيامه تشوفهم البشرية دا مش كلامى اللى بقوله دا اللى قاله سيد البشرية المصطفى نبينا الصلاة والسلام عليه ماشاء الله الله أكبر تعيشى يا بلادى حرة أبية ويعيش شعبك أيد وحدة تحت الراية المصرية
