يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى: [email protected] عمي جمال كتبت: عبير منصور ده انا جدى عرابى وعمى جمال ربونى عشان أكون حمال وف وقت الجد ما كنش جبان بحلم بشهادة جوه ميدان بروحى افديكى ويسيل دمى بحور ترويكى تطرح عزة.. ويا كرامة تطرح فخر.. ويا شهامة دا احنا تاريخنا بيشهد لينا يا أم الدنيا يا أم النهر أنا جدى عرابى وعمى جمال إحنا الشعب الواعى الطيب تندهى لينا نقولك طيب وف وقت الجرح بإيدنا نطيب وتسود وحدة مينا وسيد فى الأعياد على بعض نعيد إحنا الشعب ولينا حضارة جوه الصعب نفوت بجداره حتى الحمل علينا ان زاد كتفنا ميه وكتفنا ذاد شعب حكيم زى حبيبنا أبو حكيم داس على خوفه عاش كدا صامد زى هرمنا الأكبر خوفو لكن وجعة قلبه وألمه وقت ما شاف الطفل دا مرمى وسايل دمه على كراسته ويا كتابه وحاضن قلمه أوعى الحزن يا عم جمال دا احنا شعب أصيل حمال لا همنا سلطة...لا جاه ولا مال ياما هنقدم تانى ف شهدا ونفدى بلادنا اوعى الحزن يا عم جمال دا انت حبيبنا وجوه قلوبنا أغلى مثال أنا جدى عرابى وعمى جمال