لا تزال قطر تمارس سياستها الممنهجة للهجوم على مصر وانقلاب العالم الخارجى ضد مصر، وقد خرج اليوم تصريح من عصام الأمير، رئيس اتحاد الإذاعة والتليفزيون، خلال لقائه مع المهندس إبراهيم محلب، رئيس الوزراء، بمقر هيئة الاستثمار، وتناول اللقاء بحث أزمة راديو النيل، فقال إنه لن يتهاون مع أى إعلامى باتحاد الإذاعة والتليفزيون سافر للعمل بقطر، حتى لو بيشتغل فى «الصرف الصحى»، كما سيتم فصله على الفور، بالإضافة إلى عدم التهاون مع من يحرض ضد أمن مصر القومى. وخرج محمود سعد اليوم من خلال برنامجه «آخر النهار» المذاع على قناة النهار، ليعترض على تلك التصريحات دفقال: «طب احنا هنبقى ضد اللى بيشتغل فى قطر....أى حد بيشتغل فى قطر دلوقتى نطالبه انه يرجع؟!....يعنى لو دا قرار الناس تقول من غير عصبية يعني». واستمر اعتراض «سعد» على تصريحات الأمير فقال: «بعض الحاجات دى مش عايزة ادعاء ولا استغلال للعبارات التقيلة زى أمن مصر القومي، براحة شوية يعنى لو واحد بيشتغل فى الصرف الصحى فى دولة هيمس أمن مصر القومي؟!». وقال: «لازم نعرف مين اللى بيشتمنا الأول، نشوف لو الشعب القطرى هو اللى بيشتمنا منقعدش عندهم أبدًا ونفتح أبوابنا للى بيشتغلوا هناك ونعوضهم، أما إذا كانت الحكومة هى اللى بتشتمنا نقوله متقبضش من الحكومة دى لأنها بتهيج العالم علينا، فالأمر محتاج معالجة مين دول، بيعملوا كدا ليه، ايه مصالحهم، احنا عندنا مخابرات بتشتغل شغل عظيم، نشوف ايه الحكاية ونشتغل».
