كتبت - نشوى يوسف سخر نشطاء الفيس بوك وتويتر من الميكروباص الذى نقل الرئيس المعزول محمد مرسى من الطائرة التى كانت تقله من مقر احتجازه إلى قفص الاتهام بأكاديمية الشرطة. حيث قال أحدهم: «أكيد السواق كان مشغل لمرسى تسلم الأيادى»، بينما علق آخر: «وياترى دفع أجرة كام»، بينما تهكم ثالث: «داخل المحاكمة فى ميكروباص زى ما يكون مقبوض عليه بقرش حشيش». وتابع آخر: «ما حدش خد باله إن مرسى كان نازل جوه المحكمة من ميكروباص!». «الله يمسيك بالخير يا شرعى، لا حد كان بيعملك قيمة وأنت رئيس ولا وأنت مسجون»، وأشار آخر «الطائرات طايرة فاضية فى السما وجايبين مرسى فى ميكروباص». وتناول نشطاء مواقع التواصل الاجتماعى رفض المعزول محمد مرسى ارتداء زى الحبس الاحتياطى، مطالبينه بارتدائه حتى تنتهى المحاكمة. وكتبت أسماء البكرى قائلة :«ياعم مرسى انت كده كده اصلا «لاااااااااااابس» خلصنا بقى». وعلق محمد قائلا: «معطل البلد كلها يا مرسى عشان تلبس الاحتياطى؟ أمال هاتعمل ايه اما تلبس بدلة الإعدام». وحول رفض الرئيس المعزول محمد مرسى ارتداء البدلة البيضاء الخاصة بالمسجونين كان له نصيب من سخرية شباب الفيس بوك حيث قالوا: «مرسى يرفض لبس الملابس البيضة ملابس الحبس الاحتياطى.. وهيلبسوه فروة بلية». «رافض يطلع بالبدلة البيضاء خلاص يطلع «بالفنلة والشورت» مع تحيات حركة كايدنهم». «أنا مش صعبان عليّا غير القاضى». «ومات الحاضرون جميعًا ومات المشاهدون جميعًا ثم عاش مرسى.. والقاضى هيطلع بلا شىء وآخرتها هيقول له إعدام يا ابن الرغاية». «بعد المرافعة أتوقع بدل ما القاضى يحول أوراقه للمفتى يحولها لمستشفى المجانين». «ابن المحظوظة القاضى مش هيعرف يمسك نفسه من الضحك». «سيادة القاضى كان فيه 5.6.7.3.4 ورقات مهمين كنت عايز أطلع عليهم». «محاكمة الفلانتاين.. سنحاربهم بالحب! المفروض يعوضونا عن حلقة باسم ويذيعوا المحاكمة دى». «كويس إن المحاكمة مش هتتذاع على الهوا، مش ناقصين تمويع نفس ع الصبح». «أنا حاسس إن محاكمة مرسى بقت عاملة زى دورى أبطال أوروبا.. لازم يكون معاك الكارت عشان تشوفها». «المعزول لما يخلص كلامه، القاضى هيقوله تعالى يا قناوى أجوزك هنومة، ويلبسه الجلابية البيضة بدل البدلة البيضة». «إذا كانت محاكمة مبارك محاكمة القرن، فمحاكمة المورس هى محاكمة وحيد القرن».. «أمريكا لم تستطع أن تمنع بث محاكمة صدام حسين واحنا منعنا محاكمة مرسى من الظهور». «مش عايز يلبس البدلة! يكونش فاكر نفسه رايح تدريب الكاراتيه!» «مرسي قعد يقول كله بالحب كله بالحب لحد ما محاكمته بقت فى الفلانتين».
