وكلاء اللاعبين أو السماسرة لا تنتهي في بورسعيد والمصري والعملية علشان جايبه ثمنها مع مستر كامل أبوفلوس حاضرة »وامسك الخشب« فهناك سباق محموم من الوكلاء نحو المصري والكل يعرض خدماته ولا يخلو المصري منهم بشكل يومي أملا في مصلحة من مستر كامل »والرزق يحب الخفية«. ونوادر هؤلاء الوكلاء ما أكثرها منذ تولي أبوعلي رئاسة المصري وآخرها وكيل معروف تسبب في الازمة الشهيرة لمحمد ناجي »جدو« بين الاهلي والزمالك أوقع أبوعلي في مشكلة وصلت للكابتن مجدي عبدالغني في لجنة شئون اللاعبين بخصوص اللاعب الصاعد محمد صبحي ناشئ انبي والذي جاء بصحبة الوكيل اياه »وعمل البحر طحينة« لأبوعلي أوهمه ان عقده منتهي مع انبي ولا توجد أي مشاكل في ضمه للمصري وبالفعل وبعد موافقة الجهاز الفني تعاقد معه أبوعلي لخمس سنوات وفجأة ظهر مسئولو انبي ليقولوا.. عندك اللاعب بتاعي ومن حقي ده موقع عندي لخمس سنوات ومشكلة هنا ومشكلة هناك والامور وصلت للبلدوزر في لجنة شئون اللاعبين. ومشكلة ثانية لوكيل ثاني بس كوميدية شوية فعند رحيل تامر أبوجبل لسموحة مقابل 053 ألف جنيه اتصل الوكيل باللواء محسن شتا وقال ليه يا محسن بيه 053 ألف انا ممكن اجيب للمصري 005 ألف وقال محسن شتا ردا علي عرضه والله يا سيدي كلام زين ايدنا علي كتفك فين هو النادي اللي حيدفع النصف مليون جنيه.. اه طبعا العرض حيكون أدامك بكره.. وفات بكره وبعد بكره ولا عروض ولادياويله.. فقرر أبوعلي بيعه لسموحة واعطاءهم الاستغناء نظير مبلغ ال 053 ألف جنيه المتفق عليهم! المذهل والمضحك ان يقوم نفس الوكيل بالاتصال باللواء محسن شتا الذي حدثه قائلا ايوه يا كابتن أي خدمة.. انا ياباشا عايز حقي.. حقك.. ده اسمه فيلم لهاني رمزي.. لا ياباشا حقي في تامر أبوجبل.. ليه هو اللي وداه سموحة انت ولا واحد تاني؟! مش مهم انا صاحب فكرة البيع.. والله ده كلام جديد عندك مستر كامل كلمه بس أنا أول مرة اعرف ان عمولة تصرف علي الفكرة دي!! وطبعا لان بورسعيد لا يبيت فيها سر فالكلام خرج للجميع والكل سمع عنه فما كان من الاخ أبوالعربي الا ان قال دي الحكاية تقليبة وتفتيش للراجل.. يعني هما السماسرة دول ناقصين قناع. وطناشه ولا ايه؟! ورد واحد صاحبه عليه.. يا عم ده شغل معترف به في كل العالم.. فرد أبوالعربي بفصاحة.. أيوه بس مش كده.. ده اللي بيحصل ده تفتيش عيني عينك.. شوية لاعبين فاشلين عاملين تجار وسماسرة تحت ستار الوكالة.. اما غريبة!!