هاجم المستشار مرتضى منصور، رئيس نادي الزمالك، التغيير الوزاري الذى جرى اليوم، بعد تعيين شريف إسماعيل رئيسًا للوزارء، خلفًا لإبراهيم محلب عقب إستقالته، قائلًا "في تهريج". وقال مرتضى منصور في مداخلة صوتية، اليوم، لبرنامج أسرار الملاعب مع عصام شلتوت على فضائية LTC: "شريف إسماعيل كان جالس على حجر محمد فودة الفاسد، وشوفوا صوره"، حسب تعبيره. ووجه مرتضى حديثه للسيسي، قائلًا: "هو في إيه يا سيادة الرئيس السيسي؟! خير إن شاء الله؟"، "أنا حزين، من حق السيسي أنه يغير، لأن دي مسؤوليته، لكن ميجيبش شريف إسماعيل اللي معين مراته في إنبي، وكل عيلتها شغالة في إنبي، وعاملين شركة إنبي عزبة". وأوضح "مينفعش اللي قعد مع محمد فودة وعمل معاه 15 لقاء ومتصور معاه، عشان يدخله معرفش ايه في زفتة"، منهيًا حديثه للسيسي بجملة "لا يا أستاذ احنا مش موافقين على اللي بيعمله". وأضاف "أنا بقول علنًا أهو، أنا ضد هذا الرجل"، موضحًا أيضًا "أنا لما انزلت في 6/30 ضد مرسي واللي معاه، كان عشان يبقى بكرة أحسن مش يبقى بكرة أسوأ، آسف هذا الإختيار خاطئ، ولازم تراجع نفسك ومش عيب". شاهد الفيديو :