"خليك قاعد في البيت.. أوعي تنزل" ده مش إعلان.. بل دعوة للمصريين علي شبكات الإنترنت وجهتها جميع القوي الوطنية في مصر للعصيان المدني يوم الأحد المقبل تحت شعارات "عايزين مرتبات تعيشنا" "عايزين نشتغل" "عايزين تعليم لأولادنا" "عايزين مواصلات آدمية" "عايزين دواء لأطفالنا" "عايزين قضاء منصف" "عايزين أمن وأمان" "عايزين حرية وكرامة" "عايزين شقق للعرسان"، وختمت الدعوة قائمة مش عايزين "رفع أسعار" "مش عايزين محسوبية" "مش عايزين ضباط بلطجية" "مش عايزين تعذيب في الأقسام" "مش عايزين إتاوات" "مش عايزين فساد" "مش عايزين رشاوي" "مش عايزين اعتقالات"، "مش عايزين تلفيق قضايا"، ولم تقتصر الدعوة علي المصريين بالداخل، بل دعت القوي الوطنية المصريين بالخارج والجرائد للمشاركة في الاضراب تحت مقولة "قول لأصحابك ما يروحوش الشغل همه كمان خليهم يدخلوا الاضراب، وشملت الدعوة جميع الأعمار والأجناس بشعار "ما تروحش الشغل" "ما تروحش المدرسة" "ما تروحش الجامعة" "ما تفتحش المحل" "ما تفتحش الصيدلية" "ما تروحش القسم" "ما تروحش المعسكر" ولم تقتصر الدعوة علي ما يحدث من أزمات بمصر بل انتهت الدعوة "قدسنا لازم يعيش.. حلمهم لازم يموت".