بُص يا أفندى .. بُصى يا هانم* خلوا ودانكم صاحية معايا* رمضان دايما كله مغانم* بس نحقق منه الغاية** توبة نصوحة لرب الكون* مش إسراف فى الأكل وغيره* ولا بحلقة فى التليفزيون* واللى يسامح كتر خيره** واللى بيصدق وبيتصدق* ربنا شايفه وعالم بيه* ح يخليه فى حياته يحقق* دايما طموحاته وأمانيه** واللى يقوم من عز النوم* يقرا المصحف .. يحيى الذكر* يلقى جزاءه فى شهر الصوم* فرحة وطلة فى ليلة قدر** واللى يداوم ع الصلوات* فرض وسنة والتراويح* راغب بيهم فى الجنات* راح يدخلها بدون تصريح** إلا بإذن المولى تعالى* هو القادر والرزاق* ولا نتكبر ولا نتعالى* ولا نحمد غير الخلاق** بتضرع وخشوع ندعيه* يغفر لينا ويحمى جسدنا* م النار الحامية لتكويه* ويعليلنا إسم بلدنا** ويقوى بمشيئته إيمانا* لجل ما نحيا بكل أمان* لجل ما تبقى القمة مكانا* لجل ما نحصد خير رمضان** ((بقلم)) محمد حلمى مصطفى – الأسكندرية – جمهورية مصر العربية. للتواصل مع الكاتب .. يرجى الدخول على هذا الرابط: http://tiny.cc/yz7myw