بانت الرؤيا.. وبكره رمضان شهر التقوى .. شهر الإحسان والكل سعيد.. مبسوط فرحان إننا عشنا .. لليالى رمضان ..... نورت علينا يا شهر إيمان شهر التسابيح..شهر القرآن وقلوب عامره.. صاحيه ماتنام مابين تراويح.. وصلاة.. وقيام ونفوس هايمه.. بحب المولى سخية كريمة ..تبغى الإحسان أهلا رمضان .... شهر الفقراء .. شهر المساكين م العام للعام ..دايما ناطرين وقت قدومه علشان خيره يعم عليهم ويعيشوا شاكرين أهل الإحسان أهلا رمضأن .... بهلال رمضان...عادوا الضالين طالبين العفو .. من رب رحيم حنان منان .. على عبده..كريم لو شاف دمعه م العين نازله طالبه الرحمه .. يرحمها قوام أهلا رمضان .... وإنت يا مسئول مش ناوى تتوب بتقول مكسوف غرقان فى ذنوب وظلمت الناس وحرقت قلوب ودا مش واحد دى ذنوب وذنوب قوم بس إتشجع وإتطهر قوم إتوضا .. إنوى وكبر وإركع.. وإسجد وإبكى ..بحرقه وإنوى ما تعود تانى للسرقه وتداوى ..جروح اللى ظلمته وترجّع.. كل اللى سرقته نلقى إيمانك عاد بينور وضميرك فى الصدر إتغير وهرب من جواك ... الشيطان أهلا رمضان ... وكل عام والجميع بخير وأمن وأمان وصحة وسعادة و قبول صلاة وقيام