أعرب الناشط الحقوقي نجاد البرعي عن اندهاشه واستيائه من قرار إخلاء سبيل الرئيس السابق محمد حسني مبارك في قضية الكسب غير المشروع بدون ضمانات كما تم تبرئه قيادات النظام السابق، و ال بشكل ساخر: "ممكن اعرف بقي فلوس البلد فين؟؟". وأضاف ساخراً خلال تغريدات على موقع التدوينات القصيرة «تويتر»: "السيدة فايزه أبو النجا وكل الوزارات التي عملت فيها طلعوا شرفاء بيحاربوا علي استقلال مصر والشباب بتوع الديمقراطية طلعوا جواسيس". وتابع: "حاليا الرئيس مبارك وأركان نظامه وعائلته ورجال أعماله طلعوا انضف من الصيني بعد غسيله ..ومن حقهم يقيموا دعاوي ضد كل من اتهمهم بالفساد". وأضاف: "كل الفيلم العربي ده اتعمل علشان الإخوان يحكموا ويبقي لهم وزراء ورئيس جمهورية والشيخ عاصم عبد الماجد يطلع عُقد السجن علينا رغم دفاعنا عنه". وقال: "طبعا أنا مع استقلال القضاء ومع تطوير المؤسسة القضائية ولكن لازم يكون فيه حاجه غلط يا إما وزراء مبارك وعائلته ورجال أعماله ناس نضيفه، و إحنا ظلمناهم فيجب إن نعاقب يا إما فيه حاجه غلط مش فاهمها".