القاهرة: استضافت قاعة المسرح الكبير بنقابة الصحفيين أول أمس الخميس أمسية شعرية للشاعر هشام الجخ تحت عنوان "أوجاع مشتركة" وذلك بحضور حشد جماهيري وعدد كبير من حركات سياسية معارضة، وتضمن الحضور الشاعر عبد الرحمن يوسف وأفراد من الجمعية الوطنية للتغيير وشباب حركة 6 أبريل. وبحسب أحمد عادل بصحيفة "الشروق" فقد قرأ الشاعر الجخ جزء من قصيدته "24 شارع الحجاز" ثم ألقى قصيدته السياسية "جحا"، والتي تضم الكثير من الإسقاطات على الواقع. ويقول فيها: "شعور سخيف/ إنك تحس بإن وطنك شئ ضعيف/ صوتك ضعيف/ رأيك ضعيف/ إنك تبيع قلبك وجسمك وإنك تبيع قلمك واسمك/ ما يجيبوش حق الرغيف"، ويستكمل هشام: "أنا اللى صاحب البيت/ عايش بدون لازمة ولما مرة شكيت/ إدونى بالجزمة/ أنا اللى زارعك دهب/ بتأكلينى سباخ/ إن كان دة تقل ودلع بزيادة دلعك..باااخ/ لا شفت فيكى هنا/ ولا شفت فيكى ترف كل اللى فيكى..قرف، كرامتنا متهانة واللقمة بإهانة بتخلفينا ليه لما أنتِ كارهانا". "كل الكلام اتقال والشعر بقى ماسخ/ والصبر علو جبال والظلم شيء راسخ/ وطن وغرقان في النطاعة/ كل شىء ريحته نطاعة/ علمونا بالعصاية /ورضعونا الخوف رضاعة /علمونا في المدارس يعنى إيه كلمة قيام/ علمونا نخاف من الناظر فيتمنع الكلام/ علمونا ازاي نخاف/ وازاى نكش/ بس نسيوا يعلمونا الاحترام/ فمتزعلوش لما ابقي مش بسمع كلامكم/ وما تزعلوش لما ابقى خارج عن النظام".