ما إن أعلن التلفزيون المصري أن المشير حسين طنطاوي اجتمع بالدكتور كمال الجنزوري رئيس الوزراء الأسبق، في إطار الاتفاق على تشكيل حكومة جديدة برئاسته، حتى اشتعلت التعليقات الساخرة وغير الساخرة من شباب الشبكات الاجتماعية على ترشيح الدكتور الجنزوري (78 عاما) رئيسا لوزاء حكومة الإنقاذ لتقوم بما لم تستطع القيام به حكومة عصام شرف (58 عاماً)، بعد ثورة 25 يناير المعروفة بثورة (الشباب)! حتى إنه ظهرت على موقع التدويات القصيرة تويتر كلمة دلالية (هاش تاج) باسم #ayyamelganzuri ، و كذلك #elganzuritimes ، للحديث عن الأزمنة السابقة التي عاش فيها المرشح للحكومة الجديدة. وكانت أغلب التعليقات الرافضة للفكرة تركز على سنه المتقدم، وجيله السابق الذي تتختلف مشكلاته وظروفه عن مشكلات الجيل الحالي ومتطلباته. كما لم تخلو التعليقات من موافقة مبدئية على تسميته بشرط منح الحكومة صلاحيات واسعة، ليس كما كانت حكومة عصام شرف. وكان من هذه التعليقات الساخرة أو الفكاهية عن ترشيح الدكتور الجنزوري من شباب الشبكات الاجتماعية : المشكلة نقول ايه للشباب تحت 17 سنة الي شارك في الثورة ولم يروا الجنزوري ؟ كان فيه جدو رئيس وزراء ورجع تاني؟! بلاش اعتراض على الجنزوري عشان علي لطفي لسه عايش. الجنزوري هو أنسب رجل وطني، عاصر ملكين و 4 رؤساء جمهورية.. وشارك في ثورة عرابي وحفر قناة السويس ، وحارب مع أحمس مرتضى منصور ماسك على الناس كلها سي دى الا الجنزورى ماسك عليه فلوبى ديسك الجنزوري يأمر بلجنة تقصي حقائق للوقوف علي أسباب تأخر تسليم ... السيارات الدوجان و الشاهين و التلاجات الأيديال ال 10 قدم الجنزوري رئيس وزراء مصر الثورة...ايوة بقة! هو الغاز المسمم فين أخذ نفسين؟ حكومة انقاذ وطني: الجنزوري رئيس وزراء، فؤاد باشا سراج للداخلية، إسماعيل فهمي للخارجية، الخازندار للحقانية، وعبد الحكيم عامر للدفاع أيام الجنزوري كانت ماري منيب وجه جديد الجنزوري يعني محلك سر... المجلس بيدعم مليونية بكرة كمال الجنزوري - الله يرحمه - هيشكل الوزارة بيقولك اللورد كرومر هو اللي اقترح الجنزوري نهار اسود ع ثورة 19 اللي ماسكين فيها دي !! يا جماعة يعني ايه الجنزوري واحنا عندنا ناس وطنيين زي النحاس باشا، لحد امتى السفير الإنجليزي.. هيفضل ممشّي جلالة الملك على كيفه؟ قام المشير طنطاوي ( 78 سنة ) باستقبال كمال الجنزوري ( 78 سنة ) لعمل حكومة إنقاذ لثوره الشباب محمد شلبي : عودة السجايرالبافرا في الاسواق المصرية بعد تشكيل حكومة الجنزوري الجنزوري يرشح اثنين وزراء للصحة في التشكيل الجديد- واحد خاص بمجلس الوزراء والتاني للشعب.
هل تعلم : في العصر الجنزوري الاول كان المصري الاصيل يعتبر ان مجمع التحرير.. هو اهم انجاز في تاريخ البشرية الجنزوري يستدعي صلاح الدين الايوبي لقيادة مليونية الاخوان غدا طب كده خلاص نعمل (unfollow) لعصام شرف ونفولو الجنزوري على اذاعة صوت العرب مشهد اختيار الجنزوري بيفكرني بحسن فايق في نهاية اسماعيل يس في مستشفي المجانين: اعمل إيه، السلم، اهرب ما يهمكش، خلاص هاتولنا الاستاذ فريد شرقي وزارة الجنزوري الثانية لمن فاتته الوزارة الأولى ولهواة التسجيلات الجنزوري لو دخل على الهاشتاج ده ممكن يجيلوا ازمة قلبية عبد الوارث عسر يقبل نظارة المشخصاتية اعتقد ان نفى سعد باشا وتوليه الجنزورى ف مصلحه كبيره جدا للانجليز بس يا ترى الملك عمل كده ليه ؟ لما جراهام بيل اخترع التليفون لقى 3 ميسد كول من الجنزوري يتقريبا 90٪ من شباب الثورة كان ايام الجنزوري بيلعب بنك الحظ الناس كانت بتعمل جمعيات ويستلفوا عشان يجيبوا دِش قناة Nile TV كانت حلم حياة أي مصري إنها تجيلوه ع الأرضي كان متر الأرض أرخص من متر اللحمة حكومة انقاذ وطني: الجنزوري رئيس وزراء، فؤاد باشا سراج للداخلية، الخازندار للحقانية، وعبد الحكيم عامر للدفاع بيقولك مرة شعب ثار علي النظام القديم جابوله اللي اقدم منه حنرجع نشرب شاي البراد الأزرق .. مزاجي عال العال" سينما الأطفال و ما ما سميه بكره الجمعه و باليل أول ماتش للكابتن حسام و إبراهيم مع نادي الزمالك مع الكابتن رضا سيكا الجيش يفض اعتصام ميدان التحرير مستخدما السلعوة وزير الداخلية الجديد يرفض استخدام الغازات المسيلة للدموع واستبدالها ببونبون سيما ومن تصاريف القدر ان لو الجنزوري قرا الهاشتاج ده مش هيفهم منه حاجة زعلانين علشان البرادعي بتاع توتير اهو جالكم بتاع حجر رشيد !! اتبسطوا ؟ والجدير بالذكر ، ان الجنزوري ينتمي لفئة اللي بيصبغوا شعرهم نفسي في رئيس حكومة يبقي أسمه "هيثم" التاريخ مش بس بيعيد نفسه .. ده كمان بيستظرف هو لو الجنزروى مسك هيعيدوا زلزال 92 ؟ فى ناس هنا فى الميدان بتقول هو الجنزورى لسة عايش. فكرة إن طاهر القويري يطلع في إعلاناته يعمل باي باي روشة أوي بافكر أحجز في مشروع تشغيل الشباب في توشكى خطاب الجنزوري بعد برنامج بؤلظ وماما نجوى الفرق بين عصام شرف والجنزوري هو أن عصام شرف جاء من ميدان التحرير بينما الجنزوري جاء من ذكريات المشير الجنزوري يفاوض عصام شرف لتأجير الاكاونت بتاعه على الفيس بوك وتويتر للتواصل مع الجماهير بيقولو إن الجوهري رجع يدرب مصر .. وبيقولو إن كمال الجنزوري رجع يمسك رئيس وزراء مصر.... وأنا رايح بكره الحضانة . أظن ان الجنزوري بكرة هينزل بترنج أديداس فرز تاني شعبي .. وياكول في توم آند بصل جار الميدان .. ولازم يتصور مع أحفاده بقا مش ولاده الجنزوري يرفض استمرار العيسوي في منصبه و كان تعليقه: العيسوي شاب طايش و قراراته تنقصها الحنكة! عااااجل: الجنزوري يعتذر عن تشكيل الحكومه..كل ميسأل علي وزير يقولوله مات عاجل الجنزوري يتوجة الي طرة لحلف اليمين ياجماعه انا الحاج احمد محمود كمال الجنزوري حفيد رئيس الوزرا الجديد.... ممكن متغلطوش في جدو الجنزوري اقسم اليمين امام جلالة الملك فؤاد الاول و سيمارس مهامه من قصر الدوباره غداً بإذن الله ، اقعدوا بالعافيه عاجل: الجنزوري يعيد هيكلة مصنع بيمبو الجنزوري اختيار موفق, مش هيلحق يطمع في الكرسي والسر الإلهي هيطلع قبل مايتبت في مصر فقط: تقول للزمان ارجع يا زمان .. يقوم راجع في ساعتها بعد ما عين المشير كمال الجنزورى الهتاف يتعالى فى التحرير "سعد سعد يحيا سعد" الجنزوري هيرجع الفانوس ابو شمعة جلال عامر: فى السينما يموت الإنسان ثم تراه فى الفيلم التالى … وكذلك فى الوزارات
ليس من حقك أن تتطلع إلى منصب مهم فى بلدك، فهو مثل مقاعد الأتوبيس مخصصة لكبار السن!
وليد علاء الدين : وبعدين ممكن ننقل مجلس الوزرا جنب بيت المسنين اللي في المنيب
انباء عن موافقة عبد الناصر لمبادرة روجرز تفتكروا الزمالك هيرجع يكسب الدوري تاني ؟؟
ونحن ننشر هذه التعليقات من المدونين والكتاب للدلالة على الفجوة بين الأجيال السياسية التي لابد من مراعاتها في اختيار المسؤولين، مع كامل احترامنا لقامة وطنية مثل الدكتور كمال الجنزوري.
