مع دخول سنة جديدة ، تمنيناها جميعا أن تكون سعيدة على الأمة العربية ، ولكن مع أول يوم فيها شهدت معظم محافظات مصر العربية موجه من الصقيع ، و توقت هيئة الأرصاد الجوية أن تسود حالة من الصقيع وموجه من البرد الشديد على أنحاء الجمهورية ، وهو ما أكده الدكتور أحمد عبد العال رئيس مجلس إدارة هيئة الأرصاد الجوية بأنه من المتوقع أن يحدث انخفاض ملحوظ في درجات الحرارة بقيم تتراوح من 4 إلى 5 درجات مئوية اعتبارا من الخميس أول أيام العام الجديد ، حتى يوم الأحد المقبل على الأقل ليسود طقس بارد نهارا شديد البرودة ليلا على معظم أنحاء الجمهورية . تداول عدد من نشطاء مواقع التواصل الاجتماعي العديد من الكوميكات الساخرة من برودة الجو ، وعلقوا من خلالها عن مدى حزنهم ببرودة الجو خاصة مع تزامن اجتياز طلبة الجامعات لامتحانات نصف العام الدراسي مع هذه الموجه ومنهم من أحس بحال الفقراء والمساكين ومعاناة الشعب السوري والفلسطيني في ظل الحرب والاحتلال . مصطفى محمود يقول " كل واحد يحمد ربنا أنة قاعد مدفي تحت سقف أو نايم في سرير ، مستكملا كلامه بالقول " في مئات الالأف من الفلسطنيين نفسهم في ربع اللي احنا قاعدين فية ، و في أكتر من 7 مليون لاجئ سوري قاعدين في خيم و الثلج و المياة مغرقاهم" ودعا الله بهذا الدعاء .. اللهم خفف آلام البرد عن المسلمين في سوريا وفلسطين .. " . وحسن أبو علي يعلق مازحا " ثلاث بطاطين ودفايه والبرد واصل لقافيه " . وطالب في فترة أثناء المذاكرة يعلق عن مدى المعاناة التى يعانيها أثناء المذاكرة قائلا " مش قادره أمسك القلم عشان أذاكر مش عارفه أكتب " . محمد عادل يقول معلقا على دخول موجة الصقيع مع بداية 2015 قائلا " 2015 بدل ماتدخل برجلها اليمين دخلت بتلاجه 14قدم " . كما وتداول النشطاء بعض من تصريحات المشاهير ووضعوها بشكل كوميدي ساخر يناسب برودة الجو . الليبراليين : من حق المصريين إنهم يحسوا بجو ساقع زي أوروبا وده اللي بنحاول نعمله العلمانيين : يجب فصل الجو عن الساقعه خبير استراتيجى : الصيف هيجي فى معاده عمرو مصطفى : البرد دا فوتوشوب - حركة 6 ابريل تنفى مسئوليتها عن موجة البرد والصقيع التى تنتشر فى مصر حاليا - من انجازات الثورة النهاردة مطرت تلج .. وبقى عندنا جليد زي الدول المتقدمة )" - شباب الثورة يلتف حول البطل احمد (حراره) فى الميدان - انتو بتوع اجندات ماعرفتوش تحرقو البلد بتجمدوهاااااااا؟؟ - حاجة غريبة فعلا اللى بيشتكى من البرد هو انت اية اصلا اللى جابك فى الشتا ولية لابس عباية بكباسين ... اه يا واد يا مؤمن - يعني نولع فى البلد مش عاجبكوا نتلجهالكوا مش عاجبكوا عايزين اه تاني حرام عليكوا خربتوا البلد