علقت صفحة "أنا آسف ياريس"، المؤيدة للرئيس الأسبق حسني مبارك، على خطاب الرئيس المنتخب عبد الفتاح السيسي، الذي ينص على "تسهيل بيع الأراضي لرجال الأعمال لتحقيق مناخ جيد للاستثمار، قائلة "يعنى مبارك يا شعب مصر مكنش بيسرق وبيبيع أراضى الدولة لأصحابه من رجال الأعمال". وأضافت الصفحة "يعنى مبارك مكنش حرامى، والسيسى بيعمل نفس اللي كان بيعمله الرئيس مبارك اهو ويسير على خطاه، لازم الشعب يفهم أنه لو مكنش مبارك عمل تسهيلات لرجال الأعمال عن طريق إعفائهم من الضرائب وتوصيل المرافق العامة وتخفيض أسعار الأرض، مكنش هيبقى عندك كل القرى السياحية والفنادق والمنتجعات اللي موجودة في شرم الشيخ والساحل ودهب والعين السخنة اللى بتدخل لمصر عملة صعبة وبتوفر فرص عمل للشباب. وأوضحت "مافيش رجل أعمال هيحط ملاين ومليارات في صحراء وشوية رمل، ولأن مافيش شاب لسة بيبدأ حياته هيكون معاه القدرة المالية اللى يقدر يعمل بيها مشاريع وإصلاحات هتتكلف ملايين". وأدانت الصفحة من اتهم مبارك بأنه حرامي قائلة: "شايفك ياللى كنت بتقول على مبارك بيسرق أراضى الدولة وبيبعها، وما زال التاريخ يحكم سيدى الرئيس".