يا ترى ممكن تخسر صاحبك او صحبتك عشان حبيبك أو حبيبتك؟؟.. هذذا هو السؤال الذى توجهنا به إلى عدد من الشباب والفتيات وقد حصلنا على إجابات مثيرة بالفعل ... كما سنرى،،، علا عبد الله 20 سنه : ممكن فعلا حد يخسر اعز اصدقاء عشان حد بيحبه او يضحى بيه خالص لاتفه الاسباب ممكن دة يحصل من نظرى انا انا استحاله ارضى بكدة ابدا . وتقول رنا السيد 21 سنه : انها لا يمكن أن تبيع صديقتها لأى سبب وكمان تافه لأن الصداقه أجمل شئ فى الدنيا مثل الحب تماما بل بالعكس ممكن الصداقه تكون أقوى من الحب . وتقول هايدي عزت 20 سنة: أنا ليا واحده صاحبتى باعت صديقتها وعشرة عمرها علشان ولد وفى الآخر سابها وراح لغيرها. على أبو زيد 19 سنة: أنا لو صاحبى فكر انه يبعنى علشان بنت او بنت فكرت تبعنى علشان تعرف صاحبى واصلا لو انا وقعت فى الموقف ده يبقى لاصاحبى ولا البنت يستهلوا انى افكر فيهم تانى وزى ماهما سابونى بالساهل يبقى انساهم انا بالساهل طبعا. محمد عادل 24سنة : لو كانت هي بتحبنى أنا هاتمسك بيها حتى ولو على حساب صديقى حتى ولو كان الوحيد فى حياتى لأنى سأعتبره خائن .. أما لو أحسست إنها تبادله حبا بحب ففى هذه الحالة سأضحى بالاثنين. محمود حسين 28 سنة: نعم وبصراحة شديدة مستعد أن أخسر صديقى مقابل الحفاظ على حبيبتى، بشرط أن أكون متأكدا تماما أنها تحبنى أنا ولا تشعر تجاهه بأية مشاعر. ماهي أبو سيف 22 سنة: لو أننى حبيت شاب واكتشفت أنه يحاول الإيقاع بصديقتى فى شباكه فهو بذلك لا يحترم مشاعرى ولا يهتم بى وبالتالى لا يستحق فى يوم من الأيام أن أرتبط به إلى الأبد، بغض النظر عن موقف صديقتى. سامى جرجس 25 سنة: ماهو بردو لو هو باعنى فى وقت يبقى هو مش محترمنى وصدقاتنا مكنتش صداقة كانت مصلحة بس ممكن أعذره لو لقيت سبب مقنع او سبب مقنع ليها. إلهام عبد الله 24 سنة: أنا مريت فعلا بتجربة غريبة خرجت منها بإن الصداقة الحقيقية لا يمكن أن تتعارض مع الحب الحقيقى .. فصديقتى تخلت عنى بالفعل من أجل من تتوهم أنه حبيبها .. وعندها تأكدت من أنه لا هو حبيبها فعلا ولا هى صديقتى ..!