* لو انت سياسي ؟ حاول تبعد توجهك السياسي شوية ويبقى توجهك مصلحة مصر بس بلاش يكون هدفك هو اعلاء كيان الحزب ولا الحركة خلى هدفك اعلاء كيان مصر كلها حط ايدك فى ايد اللى مخالفك فى الفرعيات وخلينا كلنا فى المضمون . مصر ثم مصر ثم مصر . نحاول نعمل هدف قومى لقتل الفساد وف نفس الوقت برضه نعمل هدف قومى نعلى بيها بلدنا نعملها قيمه جوانا علشان اللى بره يعملنا قيمه واوعى تنسي انك فى اهم واعظم دولة فى العالم بلدك هى مصر وانت مصري والاتنين اكبر من بعض . حط ايدك فى ايد شريكك السياسي وفهموا الشعب يعنى ايه رياسة ويعنى ايه مجلس شعب ودور العضو ايه بالضبط وبرضه دور المجلس المحلى ايه . تعرف الشعب حقة وتفهمه ان كرامته اهم من لقمته ولازم يفهم ان الرزق بايد ربنا بس مش بأيد لا رئيس ولا غفير . فهمه هيرحك وهنوصل كلنا لبلدنا اللى بنحلم بيها . * لو انت مسئول ؟ اهتم بالشارع شوية . اهتم بالفرد من أول ما ينزل بيته هو بيدفع ضرايبه علشان البيت يبقى نضيف المية نضيفه ومابتقطعش والكهربا بندفع حقها بس من غير زيادة ويجي المحصل باحترام والقاريء يخبط ع البيت باحترام . وننزل الشارع نلاقيه نضيف لاننا بندفع تمن شيل الزبالة . يروح يركب الاتوبيس ولا الميكروباس يلاقى الموظف اللى موجود فى الموقف وبياخد من فلوسنا يشتغل بيها ويوقف الناس طابور وكله بيحترم كله لان فيه قانون يمشي ع الكبير قبل الصغير . وياريت تمنع اى لوجو على اى عربية لا نيابة ولا شرطة اللى يغلط يتحاسب . واى حد من اى دولة فى العالم يدخل بلدنا يحط النمر بتاعتنا وبلاش نديهم اهمية مابيدوهاش لينا واحنا هناك . الضيافه مش فى الحق . تحاسب اى مرتشي مهما كان منصبة ولا كيانة . ترفع من قيمة الشرطة ومرتبها علشان اللى يغلط يتحاسب كخاين للوطن وترفع من قيمة المدرس ويتعامل معاملة قاسية لو تقاعس او اعطى دروس خصوصية . اديله حق كبير لان دور كبير وبعدين حاسبة . وحاجات كتير يا مسئول محتاج تحب بلدك الاول هتعرف تساعدها ازاى . * * لو انت مواطن ؟ خليك فى اللى انت فيه تابع واعرف حقك وطالب بيه لو اتنازلت متزعلش لما تتزل . لو سيبت حقك متزعلش لو اتظلمت . ماتقولش طالما بعيد عن بيتى . أعرف حقك وطالب بيه . حب بلدك تحبك . خلى عندك كرامة هتعمل لمصر كلها كرامة . خليك مسئول عن بلدك . * كلكم على بعض حطوا اديكم فى ايد بعض نعلى بلدنا .