موقف شهدته بنفسي ....وضحكت على خيبة بلدى فى احدى الاماكن المزدحمة شاهدت امرأة تقوم بالتسول وبحجة انها تبيع ورق المناديل ، وقامت السيدة بالذهاب الى احدى السيارات مطلقة عبارات التسول المعهودة " مفطرتش يا بيه ، ادينى جنية اروح بيه .... الخ" ، وهى تنادى بعبارات التسول قام شاب ملتحى بغلق باب السيارة ، فنهرته السيدة فى البداية بما يلى " ابقى استأذن الاول قبل ما تقفل الباب وقول يا حمارة يا جاموسة بعد اذنك عاوز اقفل الباب .. الخ " ،، وقد تحولت السيدة فجأة من وضعية التسول الى وضعية " الكتعة بتاعة المشاكل " ، قائلة للشاب المتلحى " الله يخرب بيتوكم زى ما خربتوا بيوتنا ، ربنا ياخدوا يا بعدا ، الله يحرقكم يا ولاد ....... " ،، كل هذا والشاب لم يحرك ساكنا ولم يرد . ملحوظة : الشاب طلع مناهض لسياسات تيار الاسلام السياسى ، وناقم على اوضاع البلد . شفتوا بقى سياسات الجماعة والجماعات اياها عملت اية فى اولاد مصر من اصحاب المبادىء والسنن الاسلامية ، صنفنا وقسمنا بعض من الشكل والمظهر والسبب فى ده هم النصابين باسم الدين .. حسبنا الله ونعم الوكيل محمد باغه