حالة من الجدل أثيرت خلال الساعات الماضية بشأن وجود علاقة تربط بين مؤدي المهرجانات حسن شاكوش والفنانة حورية فرغلي بعد تصريحات طليقته ريم طارق في أحد البرامج مؤخرا عن خيانته لها مع نجمة. بداية القصة القصة بدأت بعد تصريحات ريم طارق طليقة حسن شاكوش، ببرنامج 90 دقيقة، والذي صرحت خلاله: "في نهار رمضان كان مع ممثلة مشهورة والمفروض عندها مشكلة صحية في شاليه في السخنة هو مسجل اسمها بالعربي، وكانت كاتبة له إنت وصلت يا حبيبي؟ وبينهم علاقة وحبت في وقت إنها تسمعني صوتها كانوا مع بعض وقعدت تضحك بس حلال عليها. وأضافت: "30 يوم في رمضان أنا بشوف حاجات زي اللي بحكيها دي على حاجات مختلفة، وأن ثالث حرف من اسمها هو الراء". رد حسن شاكوش على موضوع حورية فرغلي رد مؤدي المهرجانات حسن شاكوش، على موضوع علاقته مع حورية فرغلي، عبر حسابه على "فيسبوك"، قائلا: " جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هي عكس الحقيقة .. وسكوتي وعدم ردي شئ مريحني أكثر من الكلام". وتابع: "ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية أحب أقول إن الفنانة حورية فرغلي لا يمسني بيها أي شئ غير أنها زميلة وصديقة عمل ومش فاهم سبب وجود سيرتها في الموضوع إيه من خلال البرامج". واستكمل: "أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس.. أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي مع احترامي لكل الصحافة المصرية ولكن الأخبار الغير حقيقية دي بتضعف موقفكم في يوم من الأيام لما الحقيقة تبان". وأضاف: " كل الاحترام والتقدير ليكي يا فنانة يا كبيرة وبعتذرلك مرة أخرى عن أي شئ اتحطيتي فيه". انفصال حسن شاكوش وريم طارق في 13 يونيو 2023، قرر مؤدي المهرجانات حسن شاكوش طلاق زوجته ريم طارق غيابيا على يد مأذون بشكل رسمي، حيث أكد محمد أبو العلا محامي شاكوش، أن الطلاق تم بمستند رسمي لدى نيابة أكتوبر.
