حرص النجم تامر حسني، على توجيه رسالة لجمهوره ومتابعيه عبر السوشيال ميديا، بشأن تجاربه في الحياة. وكتب تامر، عبر حسابه على إنستجرام: "حبايب قلبي في حب ربنا وحبكم، إن شاء الله كل كام يوم هاجي على بالليل كدا نتناقش في موضوع من خلال مشواري وتجربتي في الحياة.. جايز تستفيدوا منه حاجة وجايز يكون في كتير منكوا هيكون كلامي بمثابة إشارة تشجعهم كانوا مستنيينها". وتابع: "من خلال خبرتي.. النجاح بيقوي ويجعل كل من حولك يهتم بك والعكس صحيح وأعني بالنجاح النجاح الإنساني في علاقاتك بربنا والناس.. النجاح المهني وتحقيق ذاتك وطموحك وتحديك لكل الصعاب وتخطيك لكل محنك زي ما عملوا كتير قبلك وظروفهم كانت أصعب منك ووصلوا لأكبر من أحلامهم". وأضاف: "أمانة عليكم محدش يكتبلي عاش وهو ده وتقبر قلبي، أنا عايز أفتح باب نقاش حقيقي يخليكوا تاخدوا قرارات مهمة في حياتكم أو تتشجعوا وتتحمسوا لخطوات إيجابية، اتكلموا وقولوا اللي جواكم.. تفريغ أحاسيسكم هنا وأي أسئلة جواكم أو أي مواقف أو حكايات لما تتقال هنا هتبقى أول خطوة للصح عشان هتتولّد طاقة كبيرة للخير شاهد عليها ربنا ف هتكون خير أوي لينا إن شاء الله". على جانب آخر، يُعرض فيلم "بحبك" لتامر حسني حاليا في السينمات. ويضم الفيلم العديد من النجوم، منهم: هنا الزاهد، هدى المفتي، مدحت إسماعيل، حمدي الميرغني، وشهد الشاطر، من إنتاج حسام حسني، وتأليف وإخراج تامر حسني، في أولى تجاربه الإخراجية. وتدور أحداث فيلم "بحبك"، في إطار من الإثارة والتشويق، حول حياة رجل يخوض قصتي حب، ويتخبط في حياته بين الفتاتين، ويُظهر اختلافا بمدى صدق التعبير عن الحب بين الرجل والمرأة. View this post on Instagram A post shared by Tamer Hosny (@tamerhosny)
