قال الفنان رامز جلال، إنه سعيد بتجربة برنامج المقالب "رامز مجنون رسمي" لأنه يواجه ضيوف البرنامج وجهًا لوجه لأول مرة، متابعًا: "أنا طول عمري بشتغل وانا مستخبي ولابس ماسك وكان نفسي في المواجهة، لغاية ما ربنا كرمني بالفكرة والمقلب بقى وش لوش". وأضاف "جلال"، في مداخلة هاتفية لبرنامج "يحدث في مصر"، المذاع على فضائية "ام بي سي مصر"، اليوم الخميس، أنه خفف حده بعض مقالب البرنامج مراعاة لظروف وهيبة بعض الضيوف، مؤضحًا: "في حلقات بيبقى فيها ناس كبار وليهم رهبة بيكون ليهم طريقة في المواجهة وشوفنا نبيلة عبيد في البرومو، وفي ناس بتضحكني وببقى مش عارف أضحك ولا أمارس ضده القهر وأطلع العقد عليه". ووجه رامز رسالة لكل ضيوف البرنامج قائلًا: "أتمنى كل ضيوف البرنامج اللي اتعرضوا للمقالب يسامحوني وهما حايبي، بس الشغلانة بتاعتنا لازم تشيل قلبك وتحط مكانه شينكار". ويستضيف رامز في برنامجه عددا من الفنانين، في مقدمتهم فيفي عبده، الضحية الدائمة لرامز في معظم برامجه، وياسمين صبري، وياسمين رئيس، وأمينة خليل، وغادة عادل، وبدرية طلبة وريهام عبد الغفور وعبد الله بالخير، وبسمة ونبيلة عبيد وباسم ياخور وعبد الباسط حمودة وأروى جودة، والمطربة الشعبية بوسي وحمو بيكا وحسن شاكوش، ومحيي إسماعيل وحمدي الميرغني، ومحمود كهربا وعلي معلول وطارق حامد من نجوم الأهلي والزمالك. برنامج رامز مجنون رسمي يُعرض بشكل حصري على قناة إم بي سي مصر.
