واصل محمد شعبان، وكيل نيابة بيلا بكفر الشيخ، بأمانة سر أحمد عميرة، سكرتير النيابة، التحقيق مع المتهم الثاني في واقعة اشتراكه مع ربة منزل في قتل زوجها العامل الزراعي، بعزبة خميس موافي، دائرة مركز شرطة بيلا، بإشعال النيران فيه أثناء نومه، ليخلو لهما الجو لارتباطهما بعلاقة عاطفية غير مشروعة. وقال المتهم "حامد. ح"، 40 سنة، سائق، ويقيم بعزبة خميس موافي، التابعة لقرية دار السلام بمركز بيلا، في اعترافاته: "أنا عارف صباح المتهمة الأولى زوجة المجني عليه من زمان، ومن حوالي 15 يوم كنا متفقين إننا نخلص من جوزها نهائي وهنولع فيه عشان هنتجوز". وتابع: "الشيطان عماني، وكلمتها قبل الجريمة بساعة وقالت لي تعالى أنا عاوزاك، وبمجرد ما كلمتني توجهت لها وأول لما روحت لها وصلت البيت لقيتها واقفة على باب الشقة بتاعتها، ولقيتها بتناولني ولاعة وبتقولي هتولع فيه وقلتلها أنا بخاف، وقامت إديتني الولاعة وسابتني ومشيت". وأضاف المتهم: "بعد كده ولعت زي ما طلبت مني وكان صلاح جوزها المجني عليه نايم على السرير في الأوضة والنار ولعت في رجلي وهدومي وقمت طالع جري لما لقيت بنطلوني النار مسكت فيه وروحت على البيت بتاعي وبعد كده عرفت من الناس إنه مات بعد نشوب الحريق". وأوضح في اعترافاته أنه كان هناك اتفاقًا بينه والمتهمة شريكته بقتل زوجها ليخلو لهما الجو فيما بعد ويتزوجها، حيث ارتبط بها منذ 5 سنوات، بحكم الجيرة والعمل، نظرًا لوجود منزليهما في شارع واحد بالعزبة، واتفقا سويًا على التخلص من الزوج قبل وقوع الجريمة ب15 يومًا. وأقر المتهم في اعترافاته أمام النيابة بما جاء بتحريات العميد عبد الفتاح المنشاوي، رئيس المباحث الجنائية بمديرية أمن كفر الشيخ، والرائد محمد قطاطو، مفتش مباحث قسم ومركز شرطة بيلا، بوجود علاقة عاطفية بينه والمتهمة الثانية، متهمًا إياها بخداعه عندما أكدت له بأنها سوف ترتبط به وتتزوجه عقب التخلص من زوجها. وقال في اعترافاته إن المتهمة أحضرت كل شئ، وجهزت المواد البترولية القابلة للاشتعال المستخدمة في تنفيذ الجريمة، قائلًا :"أنا لما روحت لقيتها مخلصة كل حاجة وأنا ولعت بس". وأنكر المتهم ما جاء بأقوال المتهمة في اعترافاتها بإحضاره المواد القابلة للإشتعال.
