''توابع زلزال الوقود''.. ارتفاع في أسعار الخضروات بالأقصر.. ومواطنون :'' الرحمة حلوة''

شهدت أسعار الخضروات والفاكهة بمحافظة الأقصر، ارتفاعًا ملحوظًا خلال يومي الجمعة والسبت بعد زيادة أسعار الوقود الأمر وبالتالي قيمة نقل الخضراوات والفاكهة إلى الأسواق، بحسب ما أكده تجار بسوق الخضار بالمدينة.
ورصد" مصراوي" خلال جولة له داخل السوق حالة من الاستياء منتشرة بين الباعة بسبب ارتفاع تكلفة النقل فقال عبدالله إبراهيم:" فوجئت صباح الجمعة بارتفاع تكلفة نقل بضاعتي من الشادر إلي السوق من 30 جنيه إلى 50 للحمولة الواحدة.
وأضاف إبراهيم :" طبعا ده بخلاف إن الأسعار في الشادر كمان زادت لأن معظم أصناف الفاكهة بيتم نقلها من محافظات وجه بحري فمثلا كيلو الرمان اللي كنا بنبيعه ب2,5 أصبح ب5جنيه وكيلو الموز اللي كان ب5 جنيه أصبح سعره 8 جنيه".
ويقول حمدي أحمد تاجر آخر أن أسعار الخضروات والفاكهة زادت بشكل مطرد خلال يومي الجمعة والسبت بعد ارتفاع أسعار الوقود.
يضيف أحمد:" فمثلا كيلو الطماطم ارتفع سعره من 3 جنيه إلي 5 جنيه للكيلو والبطاطس من 5 جنيه إلي 7 جنيه للكيلو والبصل من 4 جنيه إلي جنيه للكيلو".
وقال عبدالرحمن حسين لمصراوي :"إن ارتفاع الأسعار بهذا الشكل سيتسبب في كساد كبير خصوصا في سوق الفاكهة فالتاجار الذي كان يبيع 50 كيلو في اليوم لن يبيع أكثر من 20 كيلو ".
ولاقي الارتفاع الملحوظ في أسعار الخضروات والفاكهة غضب المواطنين في الأقصر حيث قال سيد حجاج :" الأسعار بقت نار واحنا مش عارفين نلاحق علي إيه ولا إيه عشان ادخل السوق اشتري شوية خضار وفاكهة مش أقل من 80 جنيه حرام والله اللي بيحصل فينا ده".
وأضاف أيمن كمال :" محدش في البلد دي بيرحم حد الحكومة والتجار اتفقوا علي سلخ المواطنين مش هقول غير (الرحمة حلوة)".