span style=\"font-size: 18px;\"القصة بالنسبة لي أنتهت و من اللحظة الأولي ....أنا أقف مع الجيش قلباً و قالباً ... نعم هناك تجاوزات و أخطاء و لكنها لن تمنعنا أبداً من الأعلان و بصوت عالي و بثقة كاملة أننا نقف مع الجيش المصري في تلك الفترة الحرجة من تاريخ الوطن و مستعدون لبذل كل ما هو غالي من أجل مساندته و مساعدته ... جيش مصر في معركة و حرب أشد من حرب أكتوبر 73 ....فجيشنا و الشرطة معه تواجة أرهاب داخلي و حرب شبه كاملة في سيناء و مشاكل علي الحدود مع غزة و مع ليبيا بالأضافة لمعظم دول العالم التي تحالفت ضد بلدنا . أتكلموا عن ثورة و أرفعوا شعارات و طالبوا بسقوط العسكر عيشوا في أوهامكم ...و لكن بالنسبة لي القضية واضحة و قراري محسوم ... نحن لسنا في وقت ثورة و لا نعيش مجرد خلاف سياسي أو صراع علي السلطة ...احنا في حالة حرب و في مرحلة هتحدد مسار المنطقة و ما حولها لعقود قادمة ....فأرجوك لا تطالبني بالهتاف "بسقوط العسكر أو حكمهم ....أولاٍ لأنهم لا يحكموا و في خارطة طريق أنت مش عايز تشوفها ....ثانياً كلمة عسكر انت مش عارف معناها الحقيقى والتاريخى لأنها فى الأصل كانت أيام المماليك اللى كان سلاطين مصر بيشتروهم ويدربوهم وبعدها يبقوا هم الجيش يعنى من الاخر مرتزقة فهل انت جيشك من المرتزقة ؟ طبعا لأ ....وكمان هتاف (يسقط حكم العسكر ) انت أدرى الناس بمين الفئة اللى أدخلته لمن يسمون أنفسهم ثوار وكمان انت عارف سبب إدخالهم لهذا الهتاف ..ولو مش عارف يبقى لو سمحت إسكت ...ثالثا متهتفش "يسقط حكم العسكر" الا لو كان عندك "عسكر" تاني يحموك و يحموني و يحافظوا علي بلدنا ...فلو معندكش يبقي بمنتهي الأدب تسكت و تخلي شعاراتك لنفسك ..أظن الرسالة وصلت .