أكدت رابطة مشجعي النادي المصري البورسعيدي "جرين إيجلز" على أنها ستكون متواجدة يوم الأربعاء المقبل أمام المحكمة، وذلك للوقوف إلى جوار أعضائها المقبوض عليهم على ذمة مجزرة بورسعيد الأخيرة. وكانت مباراة المصري مع الأهلي قد انتهت بسقوط أكثر من 70 قتيلاً، إضافة إلى المئات من المصابين في أعقاب اقتحام جماهير المصري لملعب المباراة. وأشارت الرابطة عبر صفحتها الرسمية على موقع التواصل الاجتماعي "الفيس بوك" إلى أنها ستكون متواجدة يوم الأربعاء في تمام الساعة السادسة أمام المحكمة للوقوف إلى جوار أعضائها الملظلومين. ومضت"الفيديوهات الموجودة عن الموقعة لا يوجد بها أي شخص ينتمي لنا من المتهمين، ومع ذلك هم محل اتهام". وأضاف"المجني عليه والأمن يريدونا كبش فداء لتلك الموقعة .. ولن نسكت على حق أصحابنا". وأردفت"لسنا ضد العدالة .. ولكننا ضد الظلم". وكتبت الرابطة : "هتنزل...... اة هنزل لية؟..... ياعم اقعد فى البيت احسن .... اقعد فى البيت لية اخويا مظلوم ومش علية اى تهمة.... مش علية تهمة ازاى امال ممسوك لية ؟....ممسوك علشان اسس جروب اولترا !!!.... طيب ودى تهمة ؟!... لاطبعا بس المجنى علية طالب كدة !!!... طيب مين الى عمل كدة وقتل؟؟.... الى عمل كدة موجود اشكالهم فى فديوهات وجابوهم بس المجنى علية طالب اصحابى يبقوة كبش فداء.... ازاى والامن موافق على كدة؟؟!!.... اة الامن موافق بدليل مافيش اى فديوهات من المتصورة و اصحابى فيهم ولو اصحابى عليهم دليل مش هنزل بس اصحابى ماعلهمش اى دليل بس المجنى علية طالب كدة ..... وهنسكت يا صاحبى نسيب اخوتنا يروحوة كبش فداء؟؟!! لا طبعا ما دة الى بقولوة ليك من الاول لما قلتلك انى نازل اقف معاهم . . . انا معاك يا صاحبى ننزل نقف جنب اخوتنا هنتقابل فين؟ هنتجمع عند المحكمة عند مطعم غنيم يوم الاربع الساعة 6م واهالى الى ممسوكين جاين معانة وفى بورسعيدية عارفين انهم مظلومين هيقفوة معانة وهتبقى الوقفة سلمية بس احنا رايحين نحسس اخوتنا الى جوة اننا وراهم وعارفين انهم مظلومين . . . لسنا ضد العدالة.؟ ولكننا ضد الظلم .!"
