بعد تقديمه لاغنية الطماطم التى كانت بعنوان "حتى انتي يا اللي اسمك قوطة" ،بعدما وصل سعر الكيلو منها ل 10 جنيهات، واغنيته عن الرئيس اوباما، انهى المطرب الشعبي شعبان عبد الرحيم اغنية جديدة ذات ابعاد سياسية بعنوان "مش هنتخب البرادعى" ومن المقرر عرضها قريبا على الفضائيات. وتقول كلمات الأغنية التي كتبها الشاعر إسلام خليل، حسب ما جاء فى "عيون الفن": "مش هانتخب البرادعي ولا حتى في الخيال الريس لسه كويس والصحة عال العال كبير وعنده خبرة ويعرف حاجات كتير وأهل زمان قالولنا إن الكبير كبير مش أي حد يحكم بلدنا بلد النصر غير حد يكون عارفنا وعاش على أرض مصر أنا هانتخبك يا ريس لو حتي دمي سال وإن ما ترشحتش أنت أنا هأنتخب جمال الناس عايزة الأمان في حياتها كلها وأكلها وانت اللي في كل أزمة نلاقيك بتحلها من غيرك يبقي ريسنا ويلم شملنا دا انت فاهمنا ودارسنا وعايش وسطنا خليك معانا يا ريس متسبش النار تقيد وعدي بينا الصعب وأعمل عبور جديد الشعب المصري الطيب عايز منك كتير ومصر تستحق مجهودك الكبير"