والناس اللي بتقول انه الطبخ دا مش مهمة وانه اللي بتهتم بالمطبخ دي واحدة جاهلة ومش مثقفة تعالو بقا اقولكو يعني ايييه ست بيت ملحوظة :ست البيت مش بس بتتقال للمتجوزة لأ واللي لسه متجوزتش كمان ست البيت هيا اللي تهتم بنضافة بيتها وبنضافتها و(النظافة من الإيمان) ست البيت يعني الواحده اللي عندها صبر وخلقها مش ضيق ومش كسولة عشان لو فيها الصفات دي عمرها ماهتعمل أكلة حلوة ولا هتهتم بنضافة المكان اللي هيا قاعدة فيه ست البيت يعني الست اللي قلبها كلو حنية عشان بتعمل الأكل في الأول والآخر عشان تبسط اللي حواليها وتأكلهم أكلة مغذية وطعمها حلو ست البيت يعني اللي لما يكون في حد مريض في بيتها تعرف تهتم بيه وتعملو أكل يناسبو حتى لو أكل مسلوق ..برضو الأكل المسلوق بيحتاج اهتمام عشان يطلع طعمو حلو والمريض ياكلو وهوا مبسوط ست البيت يعني اللي تحاول دايما تعمل تجديد في بيتها وفي حياتها وتحاول تغيير من روتين الحياة ست البيت اللي تحاول برضو تثقف نفسها ست البيت يعني اللي تحاول على قد ماتقدر تخلي في جو فرفشة في البيت حتى لو هتفرفش نفسها لوحدها دا برضو هينعكس عاللي حواليها ست البيت يعني اللي تبقا مزه وهيا في مطبخها
