هترجع سندريلا السينما المصرية "سعاد حسني" علي شاشات السينما تاني وده خلال فيلم اسمه " اختفاءات سعاد حسني الثلاثة " للمخرجة اللبنانية واللي هيتعرض في مهرجان الدوحة السينمائي " ترايبكا " واللي هيقام في العاصمة القطرية الدوحة في الفترة مابين 25 ل 29 اكتوبر، والفيلم يعتبر تحية لسعاد حسني وأفلامها، والفيلم بيحكي قصة حياة الفنانة لحد وفاتها من خلال اجزاء من افلامها. ومن ناحية تانية بينافس فيلميان مصريين علي جوائز المسابقتين الروائية والوثائقية هما فيلم " الشوق " للمخرج خالد الحجر وتأليف سيد رجب ومن بطولة روبي، محمد رمضان، أحمد عزمي و ميريهان، واللي فاز بجائزتين في مهرجان القاهرة السينمائي في دورته الاخيرة هم أحسن فيلم وأحسن ممثلة للبطلة سوسن بدر. والفيلم المصري التاني اللي هيشارك في المهرجان هو فيلم " في الطريق لوسط البلد " للمخرج شريف البندري، وبتدور أحداثه عن منطقة وسط البلد في القاهرة والشخصيات المتنوعة اللي فيها. بيرأس لجنة التحكيم الخاصة بالافلام الروائية للدورة الجديدة المخرج السوري محمد ملص. المصدر : ofann