نشأت من ضمن الصفحات الجديده على موقع الفيس بوك حملة تطالب بمقاطعة الأفلام الهابطه لتطهير السينما المصريه وتنقية ما يعرض بها وجعلها من أرقى الافلام ، تقوم رسالة الصفحه على : حملة لكل المصرين (مسلم و مسيحي) أن يقاطعوا الفن الهابط اللي بيشوه سمعة مصر قدام العالم ... هي مشاكل الشعوب بتتحل بالتعري و الإباحية؟ و هي كل مصر بتعيش في العشوائيات و تشرب الحشيش ؟ هل نرا السينما في العالم تبرز الوجه القبيح للدول ؟ لما نسمع ان قطر تتجه لعمل فيلم مع هوليود عن الرسول محمد بقيمة 150 مليون دولار و المخرجين عندنا عايزين يستغلوا أي قضية تافهة علشان يدسوا من خلالها التعري و الإباحية و ال...أفلام تحقق إيرادات نعمل ايه؟؟ لما الناس تقولك مصر دي ام الجنس و التحرش و الحشيش و العشوائيات علشان سي خالد يوسف او غيره يملى جيبه نعمل ايه ؟؟ لما نلاقي أمريكا بتعمل أفلام عالمية زي avatar و السينما الأمريكية بتمجد في أمريكا و توصفها بأقوى قوى العالم و السينما عندنا كل همها تشوه في مصر نعمل ايه ؟؟ الحل بسيط و هو المقاطعة .. للأسف احنا اللي بنتحكم في السينما في مصر .. لو كلنا قاطعنا الأعمال المفضوحة دي هيبطلوا يعملوها. ياريت كل مصري بيحب مصر يقاطع . دي الحضارة الفرعونية من مؤسسين علم الأخلاق في العالم و يقال ان الأخلاق اليونانية مستمدة من مصر . كمان القرآن الكريم بيحرم الإباحية و التعري (قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون ، وقل للمؤمنات يغضضن من أبصارهن ويحفظن فروجهن) و الرسول بيقول (لكل بني آدم حظ من الزنا فالعينان تزنيان وزناهما النظر واليدان تزنيان وزناهما البطش والرجلان يزنيان وزناهما المشي والفم يزني وزناه القبل والقلب يهوى ويتمنى والفرج يصدق ذلك أو يكذبه) و الإنجيل يقول (اذا نظر رجل لأمراة ليشتهيها فقد زنا بها في قلبه) و أيضا(فأن كانت عينك اليمنى تعثرك فأقلعها والقها عنك.لأنه خير لك ان يهلك أحد اعضائك ولا يلقى جسدك كله في جهنم) .. احنا مبنقولش ان الأفلام تكون بالنقاب مثلا و لكن في حد المعقول . المشكلة أن مخرجينا بيعملوا الأفلام مخصوص علشان التعري أما مشاكل المجتمع فتتحل بطرق اخرى. أما اللي بيتكلموا عن التمدن و الحرية فمن إمتى جسد المرأة بقا تمدن ؟؟ للأسف ده عودة إلى عصور العبودية لما كانت المرأة تباع و تشترى. بالنسبة للمخدرات و السجاير و دخلت كمان الخمرة فالسينيما أكبر دعاية لكل مضاهر الفساد دي . لما البطل تحصلوا مشكلة اول حاجة بيعملها ايه ؟ يروح يشرب مخدرات او خمور . او لو ملقاش شغل او مخنوق من الدنيا. يعني المخرج اللي هو أصلا كييف و بتاع دماغ بيقول للناس يا جماعة اي حد بتحصلوا مشكلة يشرب مخدرات او خمرة بدل ما يقولهم يكون ايجابي و يحل المشكلة أو يدعي ربنا و يصلي. لحد ما الناس افتكرت ان مصر بلد الحشيش و انه بيتباع في أي حته . و ان المصري مدمن مخدرات. مشكلة زي الشذوذ الجنسي مثلا اللي بيعالجها خالد يوسف في افلامه بزمتكم دي موجودة في مصر أو منتشرة بشكل كبير . حاجات فاسدة بيجيبها من برا و أفكار قذرة بيعرف الناس عليها علشان ينشرها في بلدنا. الضاهرة دي يا أستاذ منتشرة في الغرب و الخليج . روح اعمل عندهم فيلم يحلها مش عندنا احنا . الشخصية المتدينة في السينما دايما تكون شخصية إرهابية . انا عمري ماشفت فيلم في شخصية متدينة الا اذا كان فاسد أو إرهابي أو منافق و بيعبد ربنا علشان المصالح و ده للأسف في صد كبير عن الدين و انه مبتتحلش مشاكله إلا إذا حلق دقنه و بطل يقعد في الجامع .. الناس دي مبتخفش ربنا لما يشوهوا سمعة الدين و لو يضهر ان الدين مبيخليش الناس تستمع و تسعد بالحياة .. حقيقي حسبي الله و نعم الوكيل.. الأعمال دي للأسف لها تأثير قوي لأن المتلقي في السينما بيتأثر أوي من الفيلم و ده كان سبب في فساد كبير في البلد . المخدرات و التحرش و الشذوذ اللي بيقول الأستاذ خالد أنه بيحلهم زادوا جدا في مصر بسبب أفلامه.. طبعا مش خالد يوسف بس في غيره كتير و مش السينما بس. دلوقتي حتى المسلسلات اللي المفروض انها بتدخل كل بيت و بيشوفها الأطفال و كل الناي بقا فيها مشاهد جنسية و ترويج لمحرمات و مفاسد و كمان الأغاني و الفيديو كليب و محاولة اثارة الغرائز بأكبر قدر ممكن . و مصر بلد العلماء و بلد التاريخ السييمائي بقت دول ملاذ للعاهرات من الوطن العربي . ينشروا سمهم في مصر . حقيقي شغلانة الدعارة مبتجبش همها دلوقي أي وحدة ساقطة تتحول على ايد الجهلة إلى ممثلة و تاخد ملاين كمان من فلوسنا .. فلوس الشعب الغلبان اللي مش لاقي ياكل و عايزين ربنا يرضى عننا ازاي و احنا فلوسنا بتتصرف في الحرام.. المواطن العربي عندوا سينما يعني مصر . مسلسلات يعني مصر . مسرحيات يعني مصر . أغاني يعني مصر .. لما يلاقي الفن بتاعنا يقول ايه ؟ يبقى عندهم حق لما يقولك مصر دي بلد العهر و الخمور و الحشيش و محدش يلومهم . ما احنا اللي عملين كده في نفسنا. ياريت يا جماعة الحملة دي تنجح و صدقوني هنقدر لو عندنا عزيمة و إرادة .. احنا اللي بنحرك السينما في مصر .. حملة لمقاطعة الفن الهابط المسيئ لمصر....
